| e-texts navigator |
| Wylie |
210b1 བྱས་ལ་བཅང་བར་བྱའོ་སྙམ་དུ་རེ་བ་ཡོད་ཅིང་ཀ་དེས་དེ་འཇོག་པར་བྱེད་དོ།། སྔོན་པོ་ལ་ཇི་ལྟ་བ་དེ་བཞིན་དུ། སེར་པོ་དང་། དམར་པོ་དང་། སྟུག་པོ་དང་། སྲབ་མོ་ལ་ཡང་བརྗོད་པར་བྱའོ།། སྐབས་དེ་དགེ་སློང་མ་རྣམས།
210b2 ཀྱིས། དགེ་སློང་དག་ལ་སྨྲས་པ་དང་། དགེ་སློང་དག་གིས། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འོད་དང་ཞེས་བྱ་བ་ནས། འསླབ་པ་བཅའ་བའི་བར་དུ་མཛད་དེ།
210b3 དགེ་སློང་མས་ཆོས་གོས་ཟིན་པས་སྲ་བརྐྱང་ཕྱུང་ན། དུས་མ་ཡིན་པར་གོས་ཤིག་རྙེད་ལ། འདོད་ན་དགེ་སློང་མ་དེས་གོས་དེ་བླངས་པར་བྱའོ།། བླངས་ནས་གལ་ཏེ་ལངས་ན་མྱུར་བ་ཁོ་ནར་བྱས་ཏེ་བཅང་བར
210b4 བྱའོ།། གལ་ཏེ་ཆོས་གོས་ལ་རེ་བ་ཡོད་པ་འམ། ཁ་མ་ལངས་པ་ཁ་སྐོང་བར་བྱེད་ན། དགེ་སློང་མ་དེས་གོས་དེ་ཟ་བ་གཅིག་གི་མཐའི་བར་དུ་བཅང་བར་བྱའོ།། དེ་ལས་འདས་པར་འཇོག་ན་སྤང་བའི་ལྟུང
210b5 བྱེད་དོ།། དགེ་སློང་མ་ཆོས་གོས་ཟིན་པས་ཞེས་བྱ་བ་ནི་སྔ་མ་བཞིན་ནོ།། རྙེད་ལ་ཞེས་བྱ་བ་ནི་གཞན་ལས་སོ།། དུས་མ་ཡིན་པའི་གོས་ཞེས་བྱ་བ་ལ་གོས་ཀྱི་དུས་ནི་གང་ཡིན། དུས་མ་ཡིན་པའི་གོས
210b6 ནི་གང་ཡིན་ཞེ་ན། སྲ་བརྐྱང་བཏིང་བའི་གནས་ན་ནི། སྟོན་ཟླ་འབྲིང་པོ་ཉ་ནས་བཟུང་སྟེ། དཔྱིད་ཟླ་ར་བ་ཉའི་བར་གྱི་ཟླ་བ་ལྔ་པོ་དེ་དག་ནི་གོས་ཀྱི་དུས་ཡིན་ནོ།། ལྷག་མ་ཟླ་བ་བདུན་པོ་དག་ནི་དུས་མ་ཡིན་ནོ།། གོས
210b7 བདུན་པོ་གང་ཡང་རུང་བ་ཞེས་བྱ་བ་ལ་བདུན་པོ་དེ་དག་གང་ཞེ་ན། ཁལ་གྱི་དང་། རས་དང་། རས་བལ་གྱི་དང་། མོན་དར་དང་། དུ་གུ་ལའི་རས་དང་། ཀོ་ཏམ་པའི་རས་དང་། ཉི་འོག་གི་གོས་སོ།། འདོད་ན་ཞེས་བྱ
iiif viewer powered by OpenSeadragon
