| e-texts navigator |
| Wylie |
209b1 བནས། ཅི་ཞིག་ཐུན་མོང་ཡིན་ཞེ་ན། ཁྲོན་པའོ་ཞེས་བྱ་བའི་བར་རོ།། ཀུན་དགའ་ར་བ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། ཀུན་དགའ་ར་བ་གང་དག་མི་གཅིག་གི་འམ་ཞེས་བྱ་བ་ནས། དང་པོ་ཇི་ལྟ་བ་དེ་བཞིན་དུ
209b2 བརྗོད་པར་བྱའོ།། ཀུན་དགའ་ར་བ་མང་པོ་ཉེ་འཁོར་ཐ་དད་པ་གང་ཞེ་ན། ཀུན་དགའ་ར་བ་མང་པོ་གང་དག་མི་ཐ་དད་པའི་འམ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།།
209b3 ཤིང་ལྗོན་པའི་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། ཤིང་ལྗོན་པའི་ཡལ་གའི་ལོ་མ་འདབ་མ་འབྱོར་པས་གཅིག་ཏུ་སྡུག་པའོ།། དེའི་ཉེ་འཁོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ།
209b4 སོ་བ་རྣམས་ཀྱི་ཟླ་བ་ཐ་མ་ལ་བབ་པའི་ཉི་མ་ཕྱིན་པའི་གྲིབ་མས་ཁྱབ་ཅིང་འདུག་པ་འམ། ལོ་མ་སྐྱ་བོ་དག་རླུང་གིས་མ་བདས་པས་ལྟུང་འམ། ཆར་འབབ་པ་ན་ཆུའི་ཐིགས་པ་དག་འབབ་པ་སྟེ། དེའི་ཉེ་འཁོར་ནི་དེ་ཡིན
209b5 ནོ།། དགེ་སློང་མས་ནང་དུ་ཞེས་བྱ་བ་ནས། སྤང་བའི་ལྟུང་བྱེད་དོ་ཞེས་བྱ་བའི་བར་རོ།། ཤིང་ལྗོན་པ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། ཤིང་ལྗོན་པ་ཡལ་གའི་ལོ་མ་འདབ་མ་འབྱོར་པ་འམ་ཞེས་བྱ་བ
209b6 ནས་ཐུན་མོང་ཅི་ཞིག་ཡིན་ཞེ་ན། ཤིང་དྲུང་ངོ་ཞེས་བྱ་བའི་བར་རོ།། ཤིང་ལྗོན་པ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། ཤིང་ལྗོན་པ་རབ་ཏུ་མང་པོ་ཡལ་གའི་ལོ་མ་འདབ་མ་འབྱོར་པ་གྲིབ
209b7 མ་ཐ་དད་པ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།། སངས་རྒྱས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་ཞུ་བ། བཙུན་པ་དགེ་སློང་མ་ཤུལ་དུ
iiif viewer powered by OpenSeadragon
