| e-texts navigator |
| Wylie |
194b1 འབྲས་བུ་འམ། སོ་ཤིང་དག་སྟོབས་པར་བྱེད་པ་སྟེ། དེ་ལྟར་ལོངས་སྤྱོད་པས་སོ།། མཐོང་ངམ་ཞེས་བྱ་བ་ནི་མིག་གི་རྣམ་པར་ཤེས་པས་སོ།། ཐོས་སམ་ཞེས་བྱ་བ་ནི་རྣ་བའི་རྣམ་པར་ཤེས་པས་སོ།། རབ་ཏུ་ཤེས་ཞེས་བྱ་བ
194b2 ནིནི། དེ་ལས་གཞན་པའི་རྣམ་པར་ཤེས་པའི་ཚོགས་དག་གིས་སོ།། དགེ་སློང་མ་དེ་དག་གིས་ཞེས་བྱ་བ་ནི་བཅུ་གཉིས་སྡེ་དག་གིས་སོ།། དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ།། འདི་སྐད་ཅེས་བྱ།
194b3 བ་ནི་འདི་སྐད་ཅེས་ཡང་དག་པར་བསྒོ་བ་ནའོ།། དགེ་སློང་མ་དག་འདི་སྐད་ཅེས་འདུན་པས་འགྲོ་བའོ་ཞེས་མ་སྨྲ་ཞིག་ཅེས་བྱ་བ་ནི་གཤེ་བའོ།། ལྟུང་བ་འདྲ་བ་ལས་ཞེས་བྱ་བ་ནི།། ལྟུང་བ་མཚུངས་པ་དག་ལས་སོ།། །
194b4 དགེ་སློང་མ་ཁ་ཅིག་ནི་སྐྲོད་པར་བྱེད་ལ་ཞེས་བྱ་བ་ནི་བཅུ་གཉིས་སྡེ་དག་གོ།། ཁ་ཅིག་ནི་སྐྲོད་པར་མི་བྱེད་ཅེས་བྱ་བ་ནི། དེ་དག་ཉིད་ཀྱིས་ལྷན་ཅིག་གནས་པ་དང་། ཉེ་གནས་དག་གོ།། དགེ་སློང་མ་རྣམས
194b5 ཀྱིས་ཚིག་འདི་སྐད་ཅེས་ཞེས་བྱ་བ་ནི། ཕུ་ནུ་མོ་དག་འདུན་པས་འགྲོའོ་ཞེས་བྱ་བའི་ཚིག་གི་ལམ་དང་ཞེས་བྱ་བ་ནས། འཇིགས་པས་འགྲོ་བ་ཞེས་བྱ་བའི་བར་གྱི་ཚིག་གི་ལམ་པོར་ཅིག་ཅེས་བྱ
194b6 བའོ།། དགེ་སློང་མ་དེ་དག་ལ་དགེ་སློང་མ་རྣམས་ཀྱིས་དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ།། གལ་ཏེ་མི་གཏོང་ན་བཞམས་ཏེ་བསྒོ་བར་བྱའོ་ཞེས་བྱ་བ་ནི།
194b7 ཇི་སྐད་སྔར་བསྒོ་བ་ནི་བཞིན་བྱ་བའོ།། དེ་དག་ལ་བཞམས་ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གསོལ་བ་དང་བཞིའི་ལས་ཀྱིས་བསྒོ་བར་བྱའོ་ཞེས་བྱ་བ་ནི། ཇི་སྐད་སྔར་བསྒོ་བ
iiif viewer powered by OpenSeadragon
