| e-texts navigator |
| Wylie |
194a1 ཀུན་ཏུ་སྤྱོད་པར་མཐོང་ངམ། ཐོས་སམ། རབ་ཏུ་ཤེས་ཀྱིས། འཕགས་མ་དག་འདུན་པས་འགྲོ་བ་ཞེས་བྱ་བའི་ཚིག་གི་ལམ་དང་། ཞེ་སྡང་དང་། གཏི་མུག་དང་། འཇིགས
194a2 པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཞིག་ཅེས་དགེ་སློང་མ་དེ་དག་ལ། དགེ་སློང་མ་རྣམས་ཀྱིས་དེ་སྐད་བསྒོ་བ་ན། གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཞེས་བྱ།
194a3 བ་ནས། ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ་ཞེས་བྱར་དུའོ།། གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན།།
194a4 ཡང་དག་པར་བསྟན་པ་ན། གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཆོས་འདི་ཡང་ལན་གསུམ་གྱི་བར་གྱིས་ངེས་པར་འབྱུང་བ་དང་བཅས་པའི་དགེ་འདུན་ལྷག་མའོ།། དགེ་སློང་མ་ཞེས
194a5 བྱ་བ་ནི་ཆོས་འདི་པ་དག་གིའོ།། རབ་ཏུ་མང་པོ་ཞེས་བྱ་བ་ནི་གཉིས་ལས་ལྷག་པ་རབ་ཏུ་མང་པོ་དག་གོ།། གྲོང་ངམ་གྲོང་རྡལ་ཞིག་ན་ཞེས་བྱ་བ་ནི་རེ་ལྡེ་རི་ལའོ།། དེ་དག་ཁྱིམ་སུན་འབྱིན་ཅེས་བྱ་བ་ལ། ཁྱིམ་ཞེས་བྱ་བ་ནི་བྲམ
194a6 ཟེ་དང་། རྒྱལ་རིགས་དང་། ཁྱིམ་བདག་གིས་ཁྱིམ་དག་གོ།། སུན་འབྱིན་པ་ཞེས་བྱ་བ་ནི། རྒྱུ་གཉིས་ཀྱིས་ཁྱིམ་དག་ཏུ་སུན་འབྱིན་པར་རབ་ཏུ་ཤེས་ཏེ། འགྲོགས་པ་དང་། ལོངས་སྤྱོད་པས་སོ།། ཇི་ལྟར་འགྲོགས་པས་ཤེ་ན། བུད
194a7 མེད་དང་། ཁྱེའུ་དང་། བུ་མོ་རྣམས་དང་ལྷན་ཅིག་རྒོད་པ་དང་། རྩེ་བ་དང་། ལུས་ཀྱིས་རྩ་བ་ཐལ་བྱེད་ཅིང་དེ་ཉིད་ན་གནས་པ་སྟེ། དེ་ལྟར་འགྲོགས་པས་སོ།། ཇི་ལྟར་ལོངས་སྤྱོད་པས་ཤེ་ན། ཁྱིམ་དེ་དག་ཉིད་དུ་མེ་ཏོག་གམ།
iiif viewer powered by OpenSeadragon
