| e-texts navigator |
| Wylie |
177b1 སོ།། དགེ་སློང་མ་དེ་དག་ལ་དེ་སྐད་ཅེས་བརྗོད་པ་ན་ཞེས་བྱ་བ་ནི། འཆི་ལས་དང་ཉེ་བའི་འཆི་ལུས་ངག་ལ་ཇི་ལྟར་སྔར་བཞམས་ཏེ་བསྒོ་བ་བཞིན་དུ་བསྒོ་བའོ།། གཞི་དེ་གཏོང་ན་དེ་ལྟ་ན་ལེགས་ཞེས་བྱ་བ་ནི
177b2 དེ་ལྟ་ན་བཟང་བའོ།། གལ་ཏེ་གཞི་དེ་མི་གཏོང་ན་གཞི་དེ་གཏོང་དུ་གཞུག་པའི་ཕྱིར་ལན་གཉིས་ལན་གསུམ་དུ་ཇི་ལྟར་སྔར་བསྒོ་བ་བཞིན་དུ་གསོལ་བ་དང་བཞིའི་ལས་ཀྱིས་ཡང་དག་པར་བསྒོ་བར་བྱ་། ཡང་དག་པར
177b3 བསྟན་པར་བྱ་སྟེ། ཡང་དག་པར་བསྒོ་བ་ནི་འདི་ཡིན། ཡང་དག་པར་བསྟན་པ་ནི་འདི་ཡིན་ནོ།། ཆོས་འདི་ཡང་ཞེས་བྱ་བ་འདི་ནི།། ཆོས་མ་ཡིན་པ་ལ་ཆོས་ཀྱི་སྒྲར་གསུངས་པའོ།། ངེས་པར་འབྱུང་བ་དང་བཅས་པ་ནི།།
177b4 རྟོན་པར་བྱ་བ་དང་བཅས་པའོ།། དེ་ལ་ལྟུང་བར་ཇི་ལྟར་འགྱུར་ཞེ་ན། ཇི་ཙམ་དུ་ཅུང་ཟད་དགེ་སློང་མ་དག་ཐ་དད་དུ་གནས་པར་གྱིས་ཤིག་ཅེས་བརྗོད་པ་ལས། འདྲེས་པར་གནས་ན་ཐམས་ཅད་དུ་ཉེས
177b5 བྱས་སུ་འགྱུར་རོ།། བཞམས་ཏེ་བསྒོ་བ་ལས་མ་མཉན་ན་སྦོམ་པོར་འགྱུར་རོ།། རིམ་པ་གཞན་ནི་ཇི་ལྟར་སྔར་དགེ་འདུན་ལྷག་མ་བཅུ་གཉིས་པ་ལས་བཤད་པ་བཞིན་ནོ།། དགེ་སློང་མའི་རྣམ་པར་འབྱེད་པ་ལས
177b6 དགེ་འདུན་ལྷག་མ་བཅོ་ལྔ་པ་རྫོགས་སོ།། ། གླེང་གཞི་ནི་མཉན་ཡོད་ནའོ།། དེའི་ཚེ་དེ་སྐད་ཅེས་བཀའ་སྩལ་པ་དང་། དགེ་སློང་མ་དེ་དག་ཐ་དད་དུ་གནས་སོ།། ཐ་དད་དུ་གནས་པ་དེ་དག
177b7 ལ་སྦོམ་དགའ་མོས་སྤྲས་པ། ཁྱེད་ཅིའི་ཕྱིར་ཐ་དད་དུ་གནས།། ཁྱེད་ཚུར་འདྲེས་པར་གནོས་ཤིག། བཅོམ་ལྡན་འདས་ཀྱིས་འབེལ་བའི་གཏམ་གཏན་ལ་འབེབས་པས། ཤེས་རབ་འཕེལ་བར་འགྱུར་བར་མ་གསུངས
iiif viewer powered by OpenSeadragon
