| e-texts navigator |
| Wylie |
176a1 དགེ་སློང་མ་རྣམས་ཀྱིས་དེ་གཉིས་ལ་ཁྱེད་ཅག་འདྲེ་བས་གནས་པར་མ་བྱེད་པར། མི་འཇེ་བས་གནས་པར་གྱིས་ཤིག། དེ་ཅིའི་ཕྱིར་ཞེ་ན། ཁྱེད་ཅག་མི་འདྲེ་བས་གནས་པར་བྱེད་ན། དགེ
176a2 པའི་ཆོས་རྣམས་མི་འགྲིབ་ཅིང་འཕེལ་བ་ཉིད་དུ་རིག་པར་བྱའོ་ཞེས་བསྒོ་བར་བྱའོ།། དེ་གཉིས་ལ་བཞམས་ཏེ་བསྒོ་བ་ནག་གཞི་དེ་ཉིད་ལ་ནན་གྱིས་ཞེས་བྱ་བ་ནས། གཞན་ནི་རྨོངས་པའོ་ཞེས་ཟེར་བའི་བར་གྱིསས།
176a3 དེ་དགེ་སློང་མ་རྣམས་ཀྱིས།། དགེ་སློང་དག་ལ་སྦས་སོ།། དགེ་སློང་དག་གིས་ཀྱང་། བཅོམ་ལྡན་འདས་ལ་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་ཁྱེད་ཅག་གིས། དགེ་སློང་མའ
176a4 སྟས་དང་ཉེ་བའི་འཆི་ལྟས་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ།། བསྒོ་བ་ཡང་འདི་ལྟར་བྱ་སྟེ། གནས་མལ་བཤམ་པར་བྱ་སྟེ་ཞེས་བྱ་བ་ནས། དགེ་སློང་མ་གཅིག་གིས་གསོལ་བ་བྱས་ཏེ་ལས
176a5 བྱའོ།། ལས་ཀྱང་འདི་ལྟར་བྱ་སྟེ། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ། དགེ་སློང་མ་འཆི་ལྟས་དང་ཉེ་བའི་འཆི་ལྟས་འདི་ཧ་ཅང་འདྲེ་བས་གནས་པར་གྱུར་ཏེ། དེ་གཉིས་ལ་དགེ
176a6 སློང་མ་མང་པོ་རྣམས་ཀྱིས། ཕུ་ནུ་མོ་ཁྱེད་གཉིས་ཧ་ཅང་འདྲེ་བས་གནས་པར་མ་བྱེད་པར། ཕུ་ནུ་མོ་ཁྱེད་གཉིས་ལྷན་ཅིག་གནས་པར་མ་བྱེད་ཅིག། ཕུ་ནུ་མོ་ཁྱེད་གཉིས་མོ་འདྲེ་བར་གནས་པར་གྱིས་ཤིག། དེ་ཅིའི
176a7 ཕྱིར་ཞེ་ན། ཁྱེད་གཉིས་མི་འདྲེ་བར་གནས་པར་བྱེད་ན། དགེ་བའི་ཆོས་རྣམས་མི་འགྲིབ་ཅིང་འཕེལ་བ་ཉིད་དུ་འགྱུར་བའི་ཕྱིར་རོ་ཞེས། དགེ་སློང་མ་དེ་རྣམས་ཀྱིས་དེ་ལ་བཞམས་ཏེ་བསྒོ་ང་ན། གཞི་དེ་ཉིད་ལ་ནན་གྱིས
iiif viewer powered by OpenSeadragon
