| e-texts navigator |
| Wylie |
164a1 དག་ལ་སྨྲས་སོ་ཞེས་བྱ་བ་ནས། བསླབ་པ་བཅས་པའི་བར་དུའོ།། ཡང་དགེ་སློང་མ་གང་མཚན་མོ་གཅིག་པུ་ཕྱི་རོལ་ཏུ་གནས་པར་བྱེད་ན། ཆོས་འདི་ཡང་དང་པོ་ཉིད་ཀྱིས་སྲུང་།
164a2 བར་འགྱུར་ལ། ངེས་པར་འབྱུང་བ་དང་བཅས་པ་སྟེ། དགེ་འདུན་ལྷག་མར་འགྱུར་རོ།། ཡང་དགེ་སློང་མ་གང་ཞེས་བྱ་བ་ནི་མཛའ་ཅན་མའོ།། མཚན་མོ་ཞེས་བྱ་བ་ནི་ཉི་མ་ནུབ་ནས་སོ།། གཅིག་པུ་ཞེས་བྱ་བ
164a3 ནི་གཉིས་པ་མེད་པར་རོ།། ཕྱི་རོལ་ཏུ་གནས་པར་བྱེད་ན་ཞེས་བྱ་བ་ནི། དབྱར་ཁང་ལས་གཞན་དུ་སྐྱ་རེངས་ཤར་བར་བྱེད་ནའོ།། གཞན་དག་ནི་སྔ་མ་བཞིན་ནོ།། དེ་ལ་སྲུང་བར་ཇི་ལྟར་འགྱུར་ཞེ་ན
164a4 དགེ་སློང་མ་མཚན་མོ་གཅིག་པུ་ཕྱི་རོལ་ཏུ་གནས་པར་བྱེད་ན། ཇི་ལྟར་གྱུར་ཀྱང་རུང་སྟེ། དགེ་འདུན་ལྷག་མར་འགྱུར་རོ།། དགེ་ཚུལ་མ་དང་ལྷན་ཅིག་ཕྱི་རོལ་ཏུ་གནས་པར་བྱེད་ན་ཉེས་པ་སྦོམ་པོར་འགྱུར་རོ།། དགེ་སློང་།
164a5 མ་དང་ལྷན་ཅིག་ཕྱི་རོལ་ཏུ་གནས་པར་བྱེད་ན་ཉེས་བྱས་སོ།། གལ་ཏེ་ཕྱི་བཞིན་འབྲང་བའི་དགེ་སློང་མ་ཤི་བར་གྱུར་ཏམ། ཉམས་པར་གྱུར་ཏམ། བྲོས་པར་གྱུར་ཏམ། བབས་པར་གྱུར་ན་ལྟུང་བ་མེད་དོ།། དགེ་སློང།།
164a6 མའི་རྣམ་པར་འབྱེད་པ་ལས། དགེ་འདུན་ལྷག་མ་དྲུག་པ་རྫོགས་སོ།། ། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོ།། བྲམ་ཟེ་དང་ཁྱིམ་བདག་གིས་ཁྱིམ་དག་ན་གཅིག་པུ
164a7 ཉི་མ་ནུབ་ནུབ་ཏུ་ཆོས་འཆད་པར་བྱེད་དོ།། ཉི་མ་ནུབ་པ་དང་དབྱར་ཁང་དུ་འོངས་ནས་དེས། དགེ་སློང་མ་དག་འདི་སྐད་ཅེས་སྨྲས་སོ།། ཁོ་མོའི་རྒྱབ་དང་རྐེད་པ་དག་རྫིས་ཤིག། དེ་དག་གིས་དྲིས་པ། འཕགས་མཚོ།
iiif viewer powered by OpenSeadragon
