| e-texts navigator |
| Wylie |
162b1 སོ།། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རབ་ན་བཞུགས་སོ།། གང་གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ལ
162b2 བསླབ་པ་བཅའ་བ་མཛད་པ་དང་། དེ་བྱིན་ཆང་ནམ་ཡང་དགེ་སློང་མ་རྣམས་ཉོ་འཚོང་མི་བྱེད་དོ།། དེ་དག་འཕོངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དྲན་པ་ཉེ་བར་གཞག་ལ་ཉོ་བར་བྱའོ།།
162b3 དེ་ནས་སྦོམ་དགའ་མོས།། གཙུག་དགའ་མོ་ལ་འདི་སྐད་ཅེ་སྨྲས་སོ།། ཀྱེ་ཕུ་ནུ་མོ་རེ་ཞིག་ཁྱོད་མ་ཆགས་པར་གྱིས་ལ། ཁྱོད་མ་ཆགས་པར་གྱུར་ནས། སྐྱེས་པ་ཆགས་པ་ལས་ཅུང་ཟད་ཅིག་ལོང་ཞིག། དེས
162b4 སོང་ནས་ཇི་ལྟར་སྐྱེས་པ་ཆགས་པ་ལས་ཅུང་ཟད་བདག་གིར་བྱེད་པ་དེ་ལྟར་བྱས་སོ།། དེ་ནས་གཙུག་དགའ་མོས། སྡོམ་དགའ་མོ་ལ་འདི་སྐད་ཅེས་སྨྲས་སོ།། འཕགས་མ་སྐྱེས་པ་འདི་ནི་ཆགས་སོ།། དེས
162b5 འདི་སྐད་ཅེས་སྨྲས་སོ།། ཅིའི་ཕྱིར་ཆགས།། དེ་དེ་ལྟར་བདག་གིར་བྱེད་པ་ན། དགེ་སློང་མ་རྣམས་ཀྱིས་སྨྲས་པ། ཅིའི་ཕྱིར་དེ་ལྟར་བྱེད། དེས་འདི་སྐད་ཅེས་སྨྲས་སོ།། དེར་ཟད་མོད། སྐབས་དེ་དགེ་སློང་མ
162b6 རྣམས་ཀྱིས། དགེ་སློང་དག་ལ་སྤྲས་པ་ནས། བསླབ་པ་བཅས་པའི་བར་དུ་སྟེ། ཡང་དགེ་སློང་མ་གང་དགེ་སློང་མ་ལ་འདི་སྐད་ཅེས་ཕུ་ནུ་མོ་རེ་ཞིག་ཁྱོད་མ་ཆགས་པར་གྱིས་ལ། ཁྱོད་མ་ཆགས
162b7 པར་གྱུར་ནས།། སྐྱེས་པ་ཆགས་པ་ལས་ཅུང་ཟད་བདག་གིར་གྱིས་ཤིག་ཅེས་ཟེར་ན། ཆོས་འདི་ཡང་དང་པོ་ནས་ལྟུང་བར་འགྱུར་ཞིང་། ངེས་པར་འབྱུང་བ་དང་བཅས་པ་སྟེ། དགེ་འདུན་ལྷག་མའོ།།
iiif viewer powered by OpenSeadragon
