| e-texts navigator |
| Wylie |
161b1 རབ་ན་བཞུགས་སོ།། དེའི་ཚེ་སྦོམ་དགའ་མོ།། སྤོས་འཚོང་གི་ཁྱེའུ་ཞིག་ལ་ཆགས་སོ།། དེ་ནས་སྦོམ་དགའ་མོ།། སྤོས་འཚོང་གི་ཁྱེའུ་གལ་བ་དེར་སོང་སྟེ་ཕྱིན་ནས། དེས་ཇི་ལྟར་དེ་ཡང་ཆགས་པར་འགྱུར་བ་དེས།
161b2 བུབུར་བྱས་སོ།། དེ་ཆགས་པས་ཆགས་པ་ལས། ཅུང་ཟད་བདག་གིར་བྱེད་ཅིང་དེ་ཡང་དང་ཡང་དུ་སོང་ནས་ཅུང་ཟད་ཅིག་བྱིན་ནས་རིན་མང་དུ་ལེན་ཏོ།། དེ་ནས་སྤོས་འཚོང་གི་ཁྱེའུ་དེ་འདི་སྙམ་དུ་སེམས་ཏེ། བདག
161b3 གིས་ཇི་སྲིད་ཅིག་ན་ཉམས་སུ་མྱོང་བར་འགྱུར་ཞིག་གུ་སྐམ་མོ།། དེ་ནས་སྤོས་འཚོང་གི་ཁྱེའུ་དེས་དུས་གཞན་ཞིག་ན། སྦོམ་དགའ་མོ་ལ་འདི་སྐད་ཅེས་སྨྲས་སོ།། འཕགས་མ་བདག་དང་ནམ་ཞིག་མཇལ་བར་འགྱུར། དེས
161b4 འདི་སྐད་ཅེས་སྨྲས་སོ།། ཁྱོད་གླང་པོ་ཆེ་མོ་དང་ཕྲད་པར་འགྱུར་རོ།། དེ་ནས་ཕྱི་བཞིན་འབྲང་བའི་དགེ་སྦྱོང་མ་དེས། སྦོམ་དགའ་མོ་ལ་འདི་སྐད་ཅེས་སྨྲས་སོ།། འཕགས་མ་མི་འདི་ཆགས་པར་མི་མཁྱེན་ཏམ།། དེས་འདི་སྐད་ཅེས
161b5 སྨྲས་སོ།། ཤེས་སོ།། ཅིའི་སླད་དུ་ཁྱོད་སྐྱེས་པ་ཆགས་པ་ལས་ཅུང་ཟད་བདག་གིར་མཛད། སྐབས་དེ་དགེ་སློང་མ་རྣམས་ཀྱིས་ཐོས་སོ།། ཐོས་ནས་དགེ་སློང་དག་ལ་སྨྲས་སོ།། དགེ་སློང་དག་གིས། བཅོམ་ལྡན
161b6 འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅས་སོ་ཞེས་བྱ་བའི་བར་དུ་སྟེ། ཡང་དགེ་སློང་མ་གང་ཆགས་ནས་སྐྱེས་པ་ཆགས་པ་ལས
161b7 ཅུང་ཟད་བདག་གིར་བྱེད་ན། ཆོས་འདི་ཡང་དང་པོ་ནས་ལྟུང་བར་འགྱུར་ཞིང་།། ངེས་པར་འབྱུང་བར་བྱ་བ་དགེ་འདུན་ལྷག་མའོ།། དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། ཆགས་པ་ཞེས་བྱ་བ་ནི་འདོད
iiif viewer powered by OpenSeadragon
