| e-texts navigator |
| Wylie |
150a1 གྱིས་ལན་གསུམ་གྱིས་བར་དུ་ཁ་ཟས་ངན་པས་མཐོ་བཙམས་ཏེ་ལུས་ཤིན་ཏུ་རྗུད་པར་གྱུར་ན། དེ་ཁྱོད་ཀྱིས་ཡལ་བར་དོར་རམ། འཕགས་པ་དག་འོ་ན་དེ་ལ་བདག་གིས་ཅི་ཞིག
150a2 བགྱི། སྲིང་མོ་ཁྱོད་ཚུར་ཤོག། བཅོམ་ལྡན་འདས་ག་ལ་བ་དེར་སོང་ལ། བཅོམ་ལྡན་འདས་ལ་འདི་སྐད་ཅེས། བཙུན་པ་འདི་ལྟར་ཞུ་ཕགས་པ་གྱད་བུ་ནོར་བདག་དང་ལྷན་ཅིག་མི་ཚངས་པར་སྡུད་དེ།
150a3 ཕས་ཕམ་པ་བྱུང་བ་དེ་ནི་མི་མཛེས་ཤིང་། ཚུལ་དང་མཐུན་པ་མ་ལགས་སོ་ཞེས་སྨྲོས་ཤིག་དང་། ཁོ་བོ་ཅག་གཉིས་ཀྱིས་ཀྱང་བཅོམ་ལྡན་འདས་དེ་དེ་བཞིན་ནོ།། བདེ་བར་གཤེགས་པ་དེ་དེ་བཞིན
150a4 ཏེ། བདག་ཅག་ཉིས་ཀྱིས་སྲིང་མོས་ཇི་སྐད་གསོལ་པ་དེ་ཁོ་ན་བཞིན་དུ། བདག་ཅག་གཉིས་ཀྱིས་ཀྱང་འཚལ་ཏོ་ཞེས་སྨྲ་བར་བྱའོ།། དེ་སྐད་ཅེས་སྨྲས་པ་དང་། དགེ་སློང་མ་མཛའ་མོས། དེ་གཉིས་ལ
150a5 འདི་སྐད་ཅེས་སྨྲས་སོ།། འཕགས་པ་དག་བདག་གིས་དགེ་སློང་དག་པ་ལྟུང་བ་མ་མཆིས་པ་ལ་གཞི་མ་མཆིས་པར་ཕས་ཕམ་པར་འགྱུར་བའི་ཆོས་ཀྱིས་ཇི་ལྟར་སྐུར་པ་གདབ། སྲིང་མོ་ཁྱོད་ཇི་སྙིང་དུ
150a6 དེསྐད་མི་ཟེར་བ་དེ་སྲིད་ཀྱི་བར་དུ།། ཁོ་བོ་ཅག་གཉིས་ཁྱོད་ལ་གཏམ་འདྲི་བར་མི་བྱེད། ཕེབས་པར་སྨྲ་བར་མི་བྱེད།། ལྟ་བར་མི་བྱེད། རྣམ་པར་ལྟ་བར་མི་བྱེད་དོ།། དེ་ནས་དགེ་སློང་མ་མཛའ་མོ་ལུང
150a7 ཙམ་ཞིག་ཅང་མི་སྦ་བར་འདུག་ནས། དགེ་སློང་མཛའ་བོ་དང་ས་ལས་སྐྱེས་གཉིས་ལ་འདི་སྐད་ཅེས་སྨྲས་སོ།། འཕགས་པ་དེ་ལྟ་ན་བདག་གིས་བགྱི་བ་གང་ལགས་པ་དེ་བགྱིའོ།། སྲིང་མོ་ཁྱོད་དེའི
iiif viewer powered by OpenSeadragon
