| e-texts navigator |
| Wylie |
149a1 སྨྲས་པ། གྱད་དབུ་ནོར་ཡིན་ནོ།། དེ་གཉིས་ཀྱིས།། ཚེ་དང་ལྡན་པ་བྱང་བུ་ནོར་ལ་འདི་སྐད་ཅེས་སྨྲས་སོ།། གྱད་བུ་ནོར་བདག་ཅག་གི་ཟས་སྐོས་ཤིག། དེ་ནས་ཚེ་དང་ལྡན་པ་གྱད་བུ་ནོར།
149a2 གྱིས། དེ་གཉིས་ཉི་མ་དང་པོ་ལ་ཟས་བསོད་པ་སྦྱིན་པ་དག་ཏུ་བསྐོས་སོ།། དེ་ནས་མཛའ་བོ་དང་ས་ལས་སྐྱེས་སྔ་དྲོ་ཆོས་གོས་བགོས། ལྷུང་བཟེད་ཐོགས་ནས་སྦྱིན་བདག་གི་ཁྱིམ་གང་ན་བར་དོང་ངོ་།། ཁྱིམ་བདག་དེ་ཡང
149a3 བུ་གཅིག་པ་སྡུག་པ་ཡིད་དུ་འོང་བ་ཤི་ངས། དེ་བུ་ཤི་བའི་མྱ་ངན་གྱིས་གདུངས་པའི་ཕྱིར། དགེ་སློང་གི་ཟས་བཤམ་པ་མ་བྱས་སོ།། དེ་གཉིས་ཀྱིས་ཀྱང་མ་བརྟགས་པར་འོངས་པ་ཁྱིམ་བདག་གིས་མཐོང་ངོ་།།
149a4 མཐོང་ནས་ཀྱང་ཁྱིམ་མི་རྣམས་ལ་སྨྲས་པ། དགེ་སློང་དག་གི་ཕྱིར་ཟས་བཤམས་པ་ཅུང་ཟད་ལྟ་ཡོད་དམ། དེ་དག་གིས་སྨྲས་པ། མ་མཆིས་སོ།། དེས་འདི་སྙམ་དུ་རེ་ཞིག་བུ་ཤི་བ་འདི་ཡང་ཕུང་བྱས་པ་གཅིག།
149a5 ཡིན་ན་གཉིས་པ་གོ་ཆའི་ཕྱིར་བྱ་སྙམ་དུ་བསམས་སོ།། དེ་ལྟར་བསམས་ནས་ཀྱང་དེས་ཁ་ཟས་ངན་པ་ཞིག་ཕུལ་ལོ།། དེ་གཉིས་ཀྱིས་ཀྱང་ཟོས་སོ།། ཟོས་ནས་ཀྱང་དེ་དག་གཉིས་ཀྱིས་འདི་སྙམ་དུ། བདག་ཅག།
149a6 གིས་ཐོས་པ་ཡང་གཞན་ལ། མྱོང་བ་ཡང་གཞན་དུ་གྱུར་ཏེ། ཟས་ངན་པ་དག་ཟོས་པར་གྱུར་མོད་ཀྱི། འོད་ཀྱང་སང་ནི་ཟས་བསོད་པ་དག་བཟའ་བར་བྱའོ་སྙམ་དུ་བསམས་སོ།། དེ་གཉིས་ཉི་མ་གཉིས་པ་ལ་སྦྱིན
149a7 བདག་འབྲིང་དག་སྦྱིན་པར་བསྐོས་ཏེ། དེར་དོང་བ་ལས་ཞེས་བྱ་བ་ནས། དེར་ཡང་ཉེས་པ་དེ་བཞིན་དུ་གྱུར་ཏོ་ཞེས་བྱ་བའི་བར་དུའོ།། ཉི་མ་གསུམ་པ་ལ་སྦྱིན་བདག་ངན་པ་དག་སྦྱིན་པ་དེར་བསྐོས་སོ།། དགྲབས
iiif viewer powered by OpenSeadragon
