| e-texts navigator |
| Wylie |
148a1 དགེ་སློང་དེས་ཆོས་ཀྱིས་གཏམ་གྱིས་ཡང་དག་པར་བསྟན་ནས་སོང་ངོ་ཞེས་བྱ་བའི་བར་དུའོ།། དེ་ནས་ཁྱིམ་བདག་དགེ་བཟང་གིས་སྐབས་དེ་དགེ་སློང་རྣམས་ལ་བརྗོད་ནས་འདི་སྐད
148a2 ཅེས་སྨྲས་སོ།། བདག་གིས་དགེ་འདུན་གྱི་གདུགས་ཚོད་ནར་མར་བཤམས་པ་དེ་ལ། གལ་ཏེ་དགེ་འདུན་གྱིས་བསྐོས་པའི་དགེ་སློང་མཆིས་པས་ལོངས་སྤྱོད་པར་བགྱིད་པ་ལྟ་ན་གཡར་དམ་དེ་མི་བཤིག་པར
148a3 བགྱིའོ།། དེ་ལྟ་མ་ལགས་ན་བདག་གིས་སྦྱིན་པར་བྱ་བའི་ཆོས་ཇི་ལྟར་བཤམས་པ་རྣམས་བཞག་སྟེ། བདག་གིས་གང་ཟག་སྒོ་སྒོར་སྩལ་བར་མི་དརྒྱའོ།། དེ་ནས་དགེ་སློང་དེ་དག་གིས་འདི་སྙམ་དུ་རྣམ
148a4 པ་འདི་ལྟ་བུའི་ཉེས་པ་གང་ཡིན་པ་ནི་ཞེས་བྱ་བ་ནས། བཅོམ་ལྡན་འདས་ལ་གསོལ་ཏོ་ཞེས་བྱ་བའི་བར་དུའོ།། དེ་ནས་བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ། དགེ་སློང་དག
148a5 བྷ་བུ་ནོར་ཟས་ལ་སྐོ་བར་བསྐོ་བར་བྱའོ།། གང་གི་ཚེ་དགེ་འདུན་རྣམས་ཀྱིས་གསོལ་བ་དང་གཉིས་ཀྱིས་ལས་ཀྱིས་ཚེ་དང་ལྡན་པ་གྱད་བུ་ནོར་ཟས་ལ་སྐོ་བར་བསྐོས་པ་དེའི་ཚེ། ཚེ་དང་ལྡན་པ་བྱད་བུ་ནོར
148a6 གྱིས་སྦྱིན་བདག་གི་ཁྱིམ་དེ་དག་ཐམས་ཅད་ལས། གང་དག་ནི་བསོད་པ་སྦྱིན་པར་བྱེད། གང་དག་ནི་འབྲིང་སྦྱིན་པར་བྱེད། གང་དག་ནི་ངན་པ་དག་སྦྱིན་པར་བྱེད་ཅེས་བརྟགས་སོ།། དེས་བརྟགས་ནས་ཀྱང་།།
148a7 བསོད་པ་དག་སྦྱིན་པར་དགེ་སློང་གནས་བརྟན་གནས་བརྟན་དག་བསྐོས་སོ།། འབྲིང་དག་སྦྱིན་པར་དགེ་སློང་བར་མ་དག་བསྐོས་སོ།། ཐ་མ་དག་སྦྱིན་པར་དགེ་སློང་གཞོན་རབས་དག་བསྐོས་སོ།། ཉི་མ་གཉིས
iiif viewer powered by OpenSeadragon
