| e-texts navigator |
| Wylie |
146b1 པོའི་ཁབ་དེ་ན་སྦྱིན་པ་པོ་དང་། སྦྱིན་བདག་དེ་དག་དགེ་འདུན་ལ་ཟས་རྣམ་པ་གསུམ་དུ་ཤོམ་པར་བྱེད་དེ།། ཁ་ཅིག་ནི་བསོད་པ་སྦྱིན་པར་བྱེད་པའོ།། ཁ་ཅིག་ནི་འབྲིང་དག་སྦྱིན་པར་བྱེད་པའོ།། ཁ་ཅིག་ངན་པ་དག
146b2 སྦྱིན་པར་བྱེད་པའོ།། ཁྱིམ་གང་ནང་སོད་པ་དག་སྦྱོར་བ་དེ་དག་ནི་དྲུག་སྡེ་རྣམས་ཀྱིས་སྔོན་པོ་ཤེས་པ་ཡིན་པས། དེར་ནི་རང་འདའ་ཞིག་འགྲོ་བར་བྱེད་དོ།། གང་ན་འབྲིང་སྦྱིན་པར་བྱེད་པ་དེར་ནི་གྲོགས་པོ་དང་ཉེ་གནས
146b3 དག་གོ།། གང་ན་ངན་པ་དག་སྦྱིན་པ་དེར་ནི་དགེ་སློང་ཕལ་རྣམས་འགྲོ་བར་བཤམས་སོ།། དེའི་ཚེ་ཁྱིམ་བདག་དགེ་བཟང་ཞེས་བྱ་བ་བསོད་པ་སྦྱིན་པར་བྱེད་པའི་མཆོག་ཅེས་བྱ་བའི་བར་ནས། དྲུག་སྡེ་རྣམས་རེ
146b4 མོས་འགྲོ་བར་བྱེད་དེ། ཉི་མ་དང་པོ་ལ་ནི་དགའ་བོ་དང་ཉེ་དགའ་ཟན་ཟ་བར་བྱེད་དོ།། ཉི་མ་གཉིས་པ་ལ་ནི་འདུན་པ་དང་འཆར་ཀའོ།། ཉི་མ་གསུམ་པ་ལ་ནི་འགྲོ་མགྱོགས་དང་ནབ་སེའོ།། ཁྱིམ་བདག་དེས། དེ་རྣམས།།
146b5 ལ་དྲིས་པ། འཕགས་པ་དག་འོད་མའི་ཚལ་ན་དགེ་སློང་གཞན་མི་བཞུགས་སམ། ཅི་ན་འགའ་ཙམ་ཡང་འདི་བཤོས་གསོལ་བར་མི་མཛད་པར་ཡང་དང་ཡང་དུ་ཁྱེད་ཅག་ཁོ་ན་རེ་མོས་བྱོན། དེ་དག་གིས་སྨྲས་པ།
146b6 ཁྱིམ་བདག་ཁྱོད་ཀྱིས་མི་ཤེས་སམ། འོད་མའི་ཚལ་དེ་ན་དགེ་སློང་དག་ཡོད་ཀྱང་ཉིན་གཅིག་བཞིན་དུ་བཟའ་བ་དང་བཅའ་བ་ལ་སོགས་པ་རྣམ་པ་སྣ་ཚོགས་སྤྱོད་པར་བྱེད་པ་དེ་དང་དེ་དག། ཁྱོད་འདྲ་བའི་ཁ་ཟས
146b7 ཕུལ་བ་དེ་ཇི་ལྟར་ཟ་བར་བྱེད། ངེད་ཅག་ནི་ཁྱོད་ཁོ་ན་ལ་ཕན་གདགས་པའི་ཕྱིར་འོང་བར་ཟད་དོ།། དེ་ནས་ཁྱིམ་བདག་གིས་སྨྲས་པ། འཕགས་པ་གལ་ཏེ་འཕགས་པ་ཁྱེད་ཅག་གིས་བདག་ལ་ཕན་གདགས
iiif viewer powered by OpenSeadragon
