| e-texts navigator |
| Wylie |
146a1 ལྷན་ཅིག་ཏུ་བཀོད་ཀ་གང་དག་ལན་ཅིག་ཕྱིར་འོང་བའི་འབྲས་བུ་ཐོབ་པ་དེ་དག་ནི་ཕྱིར་མི་འོང་བ་རྣམས་དང་། ཕྱིར་མི་འོང་བ་རྣམས་ནི་དགྲ་བཅོམ་པ་དང་ལྷན་ཅིག་སྟེ། དེ་ལྟར་དགེ་སློང་དེ་རྣམས་ལྷག།
146a2 པར་ཕན་ཚུན་དུ་འབེལ་བའི་གཏམ་རྣམ་པར་གཏན་ལ་དབབ་པ་དང་། དགེ་བའི་ཕྱོགས་འཕེལ་བར་འགྱུར་བ་དེ་ལྟར་གནས་མལ་མཐུན་པ་གཞན་དང་གཞན་དུ་བསྐོས་སོ།། དེའི་ཚེ་ན་ཚེ་དང་ལྡན་པ་གྱད་བུ་ནོར་རྫུ
146a3 འཕྲུལ་གྱིས་གནས་མལ་འབོགས་པར་བྱེད་དེ། གང་དག་མཚན་མོ་སྔར་འོངས་པ་དེ་དག་ལ་ནི་སོར་མོ་གཅིག་ལས་འོད་སྦར་ཏེ། གནས་མལ་འདོགས་པར་བྱེད་དོ།། གང་དག་མཚན་མོ་ཆེས་ཕྱིས་འོང་བ་དེ་དག་ལ་ནི་སོར
146a4 མོ་གཉིས་ལས་འོད་སྦར་ཏེ་འབོགས་པར་བྱེད་དོ།། དེ་བཞིན་དུ་གསུམ་པ་དང་། བཞི་པ་དང་། ལྔ་པ་ལས་འོད་སྤར་ཏེ་ཞེས་བྱ་བའི་བར་དུའོ།། དེ་ནས་དགེ་སློང་དེ་དག་འདི་སྙམ་དུ། འདི་ནི་ཆོས་དང་ལྡན་པས་ལས་བྱེད་པ
146a5 ཡིན་ཏེ་ཞེས་བྱ་བ་ནས། ཁོང་དུ་མ་ཆུད་པ་ནི་ཁོང་དུ་ཆུད་པར་གྱུར། ཁོང་དུ་ཆུད་པ་ནི་ལྷག་པར་ཁྱད་པར་དུ་ཁོང་དུ་ཆུད་པར་གྱུར་ཏོ།། དེ་ལྟར་བྱས་པ་ན་འདི་ལྟར་ཚེ་དང་ལྡན་པ་གྱད་བུ་ནོར་གྱིས་རྫུ་འཕྲུལ་གྱི་ཆོ་འཕྲུལ
146a6 བསྟན་ཏེ། གནས་མལ་འདོགས་པར་བྱེད་ཅེས་ཕྱོགས་བཞི་དག་ཏུ་དེའི་སྒྲ་གྲགས་པར་གྱུར་ཏོ།། དེའི་ཚེ་གང་དག་ངོ་མཚར་དུ་གྱུར་པ་དེ་དག་གིས་ནི། མངོན་སུམ་དུ་བྱ་བའི་ཕྱིར་ཉིན་པར་འོངས་ནས་འོད་མའི་ཚལ།
146a7 གྱི་ཉེ་འཁོར་དུ་འདུག་སྟེ། ཉི་མ་ནུབ་པ་དང་། མཚན་མོ་འོང་བར་བྱེད་དོ།། དེ་རྣམས་ལ་ཡང་ཚེ་དང་ལྡན་པ་དེས་དེ་བཞིན་དུ་རྫུ་འཕྲུལ་གྱི་ཆོ་འཕྲུལ་བསྟན་ནས་གནས་མལ་འབོགས་པར་བྱེད་དོ།། རེ་ཞིག་ན་རྒྱལ
iiif viewer powered by OpenSeadragon
