| e-texts navigator |
| Wylie |
143b1 གནང་ནས་ཞེས་བྱ་བ་ནས། ལུས་ཀྱི་སྟོབས་དང་མཐུ་ཡང་དག་པར་བསྐྱེད་ནས་ཞེས་བྱ་བའི་བར་དང་། ཕས་གྱད་བུ་ནོར་རབ་ཏུ་འབྱུང་བར་འདོད་ཀྱིས། གང་དག་རབ་ཏུ་འབྱུང་བར་འདོད་པ་དེ་དག་ཀྱང་དེངས་ཤིག། ཅེས
143b2 དྲིལ་སྒྲགས་པ་བྱས་པའི་བར་དུའོ།། དེ་ནས་དེའི་ནེའུ་ལྡངས་གང་ཡིན་པ་དེ་དག་འདི་སྙམ་དུ། གྱད་བུ་ནོར་འདི་ནི་བདེ་བར་འདོད་པ་ཤིན་ཏུ་གཞོན་པ་ཡིན་ཡང་། ཁྱིམ་གྱིས་བདེ་བ་སྤངས་ནས། ངེས་པར་བྱུང་སྟེ་རབ
143b3 ཏུ་འབྱུང་བར་བྱེད་ན། བདག་ཅག་གིས་ཇི་ལྟར་བྱ་སྙམ་དུ་བསམས་པ་ལས། དེ་ལས་གཅིག་གིས་འདི་སྐད་ཅེས་ལེགས་སུ་ཟད་དེ། བདག་ཅག་ཀྱང་རབ་ཏུ་འབྱུང་བར་བྱའོ་ཞེས་སྨྲས་སོ།། དེ་ནས་གྱང་དུ་ནེར་གཞོན
143b4 ནུ་ལྔ་བརྒྱ་དང་ལྷན་ཅིག་ཏུ་ཚེ་དང་ལྡན་པ་རྟ་ཐུལ་གང་ན་བ་དེར་སོང་སྟེ་ཕྱིན་ནས། རྟ་ཐུལ་གྱི་རྐང་པ་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། གྱད་བུ་ནོར་གྱིས།
143b5 ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ།། བཙུན་པས་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་མཛད་དུ་གསོལ།
143b6 བདག་ཁྱོད་ཀྱི་ཐང་དུ་ཚངས་པར་སྤྱད་པ་སྤྱོད་དོ།། དེ་ནས་ཚེ་དང་ལྡན་པ་རྟ་ཐུལ་གྱིས། གྱད་བུ་ནོར་རིམ་གྱིས་རབ་ཏུ་ཕྱུང་སྟེ། བསྙེན་པར་རྫོགས་པར་བྱས་སོ།། དེས་ཀྱང་སྡེ་སྣོད་གསུམ་པོ་དག་ཁ་ཏོན་དུ་བཏོན
143b7 ཅིང་བསྒོམས་པས་དགྲ་བཅོམ་པར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། སྟེ་འུང
iiif viewer powered by OpenSeadragon
