| e-texts navigator |
| Wylie |
143a1 མི་ཞིག་བཏང་ནས་ཞེས་བྱ་བ་ནས། སྤྱོད་ལམ་མཐོང་སྟེ་སླར་ལོག་ནས། གཞོན་ནུ་ལ་སྤྲས་སོ་ཞེས་བྱ་བའི་བར་དུའོ།། དེ་ནས་ཚེ་དང་ལྡན་པ་གྱད་བུ་ནོར་དགེ་བའི་རྩ་བས་བསྐུལ།
143a2 ཏེ། ལྟ་འདོད་དེ་ཞེས་བྱ་བ་ནས། ཡང་དག་པར་དགའ་བར་འགྱུར་བའི་བར་དུ་བྱས་ནས་འདུག་སྟེ། དེ་ལ་སྨྲས་པ། ཅི་ཁྱོད་སྟོན་པ་ཡིན་ནམ། འོན་ཏེ་ཉན་ཐོས་ཡིན། ཚེ་དང་ལྡན་པ་རྟ་ཐུལ་གྱིས་ཞེས་བྱ་བ་ནས་ཚིགས
143a3 སུ་བཅད་པ་སྨྲས་པ། རི་དབང་གངས་ཅན་དང་ནི་ཡུངས་ཀར་ཉིད་ཀྱི་ཁྱད་པར་གང་ཡིན་དང་།། རྒྱ་མཚོ་དང་ནི་ཕྱུགས་རྗེས་ཆུ་ཆུང་ཉིད་ཀྱི་ཁྱད་པར་གང་ཡིན་དང་།། ཉི་མ་འོད་གཟེར་དྲབ་ཆེ་དང་སྲིན་དུ་མེ་ཁྱེར་ཁྱད་གང་ཡིན།།
143a4 དེ་དག་རྫོགས་པའི་སངས་རྒྱས་ཡོན་ཏན་གཏེར་དང་ཉན་ཐོས་ཁྱད་པར་རོ།། ཞེས་བྱ་བའི་བར་དུའོ།། ཕ་མ་གཉིས་ཀྱིས་གན་དུ་འོངས་ནས་གསོལ་བ་འདེབས་པར་བྱེད་དེ་ཞེས་བྱ་བ་ནས་ན་མ་གནང་ངོ་ཞེས་བྱ་བའི་བར་དང་།
143a5 ཉིན་ཞག་གཅིག་ཟན་བཅད་པའི་བར་དང་། ཕ་མ་འོངས་ནས་འདི་སྐད་ཅེས་སྨྲས་སོ།། ཁྱོད་ཀྱིས་ནི་སྡུག་བསྔལ་མི་ཤེས་ཏེ་ཚངས་པར་སྤྱོད་པ་སྤྱད་དཀའ་འོ།། གཅིག་པུ་ཉིད་ལ་མངོན་པར་དགའ་བར་བྱ་དཀའ་འོ།།
143a6 གནས་མལ་དགོན་པ་དང་། ནགས་འདབ་དང་། བས་མཐའ་ངག་ཏུ་གནས་པར་བྱ་དཀའ་འོ།། ཁྱོད་ཀྱིས་ཇི་སྲིད་འཚོའི་བར་དུ་གཅན་གཟན་གདུག་པ་དག་དང་ལྷན་ཅིག་གནས་པར་བྱ་དགོས་སོ།། ཁྱོད་ཀྱིས་ཇི་སྲིད་འཚོ
143a7 བར་དུ་མི་རྣམ་གྱི་དགའ་བ་དང་། རྩེད་མོ་དག་ལས་མངོན་པར་དབེན་པར་བྱ་དགོས་སོ།། དུ་ཁྱོད་ཚུར་ཤོག་འདུག་ལ་སྦྱིན་པ་དག་བྱིན་ཅིག། འདོད་པ་ལ་ཡང་ཡོངས་སུ་སྤྱོད་ཅིག་ཅེས་བྱ་བའི་བར་དུའོ།། རྗེས
iiif viewer powered by OpenSeadragon
