| e-texts navigator |
| Wylie |
115a1 པ། དེ་ནས་བཅོམ་ལྡན་འདས་ཀྱིས། དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་བཅུ་གཉིས་སྡེ་ལ་བཞམས་ཏེ་བསྒོ་བར་བྱའོ།། འདི་ལྟར་བསྒོ་བར་བྱ།
115a2 སྟེ། དགེ་སློང་མ་ཁྱེད་ཅག་དགེ་སློང་གང་ཞིག་དགེ་སློང་གི་དགེ་འདུན་གྱིས་གནས་ནས་དབྱུང་བའི་ལས་བྱས་པ་དང་། དགེ་སློང་མའི་དགེ་འདུན་རྣམས་ཀྱིས་ཀྱང་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་ལ། དགེ་སློང་།
115a3 དེ་ཡང་སྒྲ་འགྲེང་བར་གྱུར། སྤུ་ལངས་པར་གྱུར་པ་ལས། དགེ་འདུན་ལ་སྤུ་སྩོལ་བར་འདོད། འབྱུང་བར་སྤྱོད་པར་བྱེད། མཐུན་པར་བྱེད་པ་སྟོན་པར་བྱེད་འདོད། མཚམས་ཀྱི་ནང་དུ་འཇུག་སྟེ། བཟོད་པ་གསོལ་བར
115a4 བྱེད་འདོད་ལག་དེའི་ཕྱིར་འཐབ་མོ་དང་། མཚང་འདྲུ་བ་སྤོང་བར་འདོད་པར་ཤེས་བཞིན་དུ་ཁྱེད་ཅག་དེའི་གན་དུ་སོང་སྟེ། འདི་སྐད་ཅེས་འཕགས་པ་ཁྱོད་དགེ་འདུན་ལ་སྤུ་སྙོལ་བར་མ་བྱེད་ཅིག། འབྱུང་བར
115a5 མ་སྐྱོད་ཅིག། མཐུན་པར་བྱེད་པ་མ་སྟོན་ཅིག། མཚམས་ཀྱི་ནང་དུ་འདུག་སྟེ། བཟོད་པ་གསོལ་བར་མ་བྱེད་ཅིག། བདག་ཅག་གིས་ཁྱོད་ལ་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ
115a6 རགས་དང་གདྲན་པར་བྱ་བ་དང་། དྲི་བར་བྱ་བ་དང་། རྩ་བའི་སྨན་དང་། སྡོང་བུའི་སྨན་དང་། ལོ་མའི་སྨན་དང་། མེ་ཏོག་གི་སྨན་དང་། འབྲས་བུའི་སྨན་དུས་སུ་རུང་བ་དང་། ཐུན་ཚོད་དུ་རུང་བ་དང་།
115a7 ཞག་བདུན་དུ་རུང་བ་དང་། ཇི་སྲིད་འཚོའི་བར་དུ་རུང་བ་ཅི་དང་ཅིས་བྲེལ་པ་དེ་དང་དེས་མི་བྲེལ་པར་བགྱིའོ་ཞེས་མ་ཟེར་ཅིག་ཅེས་བྱའོ།། དེ་སྐད་ཅེས་བསྒྲེ་བ་དང་། དེ་དག་དགེ་སློང་མ་དེ་རྣམས་ལ་འདི་སྐད་ཅེས།
iiif viewer powered by OpenSeadragon
