| e-texts navigator |
| Wylie |
104a1 དག་ནི་རིགས་དམན་པ་ཡིན་ན།། ཅིའི་ཕྱིར་འདིར་འོངས།། དེ་སྐད་ཅེས་སྨྲས་པ་དང་། བྲམ་ཟེས། ཨུཏྤ་ལའི་མདོག་ལ་འདི་སྐད་ཅེས་སྨྲས་སོ།། བདག་ཁྱོད་དང་ལྷན་ཅིག།
104a2 ཟཐང་འདོད་པའི་ཕྱིར་རོ།། དེས་འདི་སྐད་ཅེས་སྨྲས་སོ།། གལ་ཏེ་ཁྱོད་ལ་ཀར་ཤ་པ་ཎ་དག་ཡོད་ན་ཕྱི་ནས་ལྷན་ཅིག་ཕྲད་པར་བྱའོ།། དེ་ནས་བྲམ་ཟེ་དེས་ཨུཏྤ་ལའི་མདོག་ལས་ཚིག་དེ་ཐོས་ནས།
104a3 ཀར་ཤ་པ་ཎའི་དོན་དུ་སྤོངས་དག་ཏུ་སོང་ངོ་།། དེ་ནས་ཨུཏྤ་ལའི་མདོག་དུས་གཞན་ཞིག་ན། དགེ་བའི་བཤེས་གཉེན་ཚེ་དང་ལྡན་པ་མོའུ་འགལ་གྱིས་བུ་ཆེན་པོ་ལ་རྟེན་ནས། སྨད་པའི་ལས
104a4 རྣམས་སྤངས་ཏེ། དགྲ་བཅོམ་པ་ཉིད་ཀྱང་ཐོབ་པར་གྱུར་ཏོ།། དེ་ཡང་ཉིན་པར་ནགས་ཚལ་ཐིབས་པོར་འདུག་པ་ལ་གོམས་པ་ཡིན་པས། དེ་ནས་ཨུཏྤ་ལའི་མདོག་ནགས་ཚལ་ཐིབས་པོར་ཉིན།།
104a5 པར་འཇུག་ཏུ་སོང་ངོ་།། བྲམ་ཟེ་དེ་ཡང་ཀར་ཤ་པ་ཎ་ཁྱེར་ཏེ་གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དུ་སོང་ནས། འདྲི་ཞིང་འདྲི་ཞིང་མཉན་ཡོད་དུ་ཕྱིན་ཏོ།། དེ་ནས
104a6 རྔམ་ཟེ་དེ་ཨུཏྤ་ལའི་མདོག་གང་ན་བ་དེར་སོང་སྟེ་ཕྱིན་ནས། ཨུཏྤ་ལའི་མདོག་ལ་རྒྱལ་བ་དང་ཚེ་སྤེལ་བ་བྱས་ཏེ། འདི་སྐད་ཅེས་སྨྲས་སོ།། ཀྱེ་ཀར་ཤ་པ་ཎ་དག་བཞེས་ཤིག། དེས་ཀྱང་བསམས
104a7 ནས་བྲམ་ཟེ་ལ་འདི་སྐད་ཅེས་སྨྲས་སོ།། བྲམ་ཟེ་བདག་གིས་ནི་དམ་པའི་ཆོས་མ་ཡིན་པ་དེ་སྤངས་སོ།། དེ་སྐད་ཅེས་སྨྲས་པ་དང་།། བྲམ་ཟེས། ཨུཏྤ་ལའི་མདོག་ལ་འདི་སྐད་ཅེས་སྨྲས་སོ།།
iiif viewer powered by OpenSeadragon
