| e-texts navigator |
| Wylie |
101b1 སུ་འཛིན་པ་མེད་པ་ཆེ་ངེས་པ། ཁྱད་པར་ཅན་དུ་འགྲོ་ཞིང་། དེ་ནས་ཤི་འཕོས་ནས་ཀྱང་ཁྱད་པར་ཅན་དུ་འགྲོ་བར་འགྱུར་བའོ།། འོན་ཏེ་བྱང་གི་སྒྲ་མི་སྙན་དུ་མི་འགྲོ་བ་དེའི་ཚེ་ནི། སུམ་ཅུ་རྩ་གསུམ་པའི།
101b2 ལྷ་རྣམས་ཀྱི་ནང་དུ་ཁ་ཟས་བསོད་སྙོམས་བྱེད་དོ།། དེས་དྲིས་པ། སུམ་ཅུ་རྩ་གསུམ་གྱི་ལྷ་རྣམས་ཅི་འདྲ་བ་དེས་སྨྲས་པ། ཁ་དྲོག་དང་ལྡན་པ། བདེ་བ་མང་བ། གཞལ་མེད་ཁང་མཐོན་པོ་ཅན། ཚེ་རིང
101b3 བ། ཡུན་རིང་དུ་གནས་པ།། དུས་རིང་པོར་གནས་པ་ཡིན་ནོ།། དེས་འདི་སྙམ་དུ་འདི་ནི་བདག་ཉིད་ཆེན་པོ་ཞིག་ཡིན་པས། མ་ལ་དེ་རིང་གི་བསོད་སྙོམས་བདག་གིས་དབུལ་ལོ་སྙམ་དུ་བསམས་ནས།
101b4 དེས་རང་སངས་རྒྱས་དེ་ལ་སྨྲས་པ། འཕགས་པ་དེང་བདག་གིས་བསོད་སྙོམས་འབུལ་གྱིས་རྗེས་སུ་གཟུང་དུ་གསོལ།། དེས་སྨྲས་པ། ཁྱོད་ཀྱང་ཁྱིམ་གྱི་གནས་ནས་ངེས་པར་བྱུང་བ་ཡིན་ན
101b5 ཁྱོད་ཀྱིས་ཇི་ལྟར་ང་ལ་བསོད་སྙོམས་སྦྱིན་པར་སེམས། དེས་སྤྲས་པ། དེ་ལྟ་ལགས་མོད་ཀྱི། འོན་ཀྱང་ངེས་པར་བདག་ལ་ཕན་གདགས་པར་མཛད་དུ་གསོལ། ཁྱོད་ནི་དཔལ་དང་བསོད་ནམས
101b6 ཡིན།། ཁྱོད་ནི་ཆོས་འཆང་རྣམས་ཀྱི་མཆོག། ཁྱོད་ཀྱི་བརྩོན་པས་འཇིག་རྟེན་འདི།། ཀུན་ནས་བརྒྱན་པ་བཞིན་དུ་གྱུར།། དེས་ཀྱང་ཁས་བླངས་སོ།། དེ་ནས་དྲང་སྲོང་གིས་དེས་ཅང་མི་སྨྲ་བས་ཁས
101b7 བླངས་པར་རིག་ནས། རང་གི་ངསྟི་གནས་སུ་སོང་ངོ་།། དེ་ན་ཡང་དེས་སྔ་ན་ཁྲེ་རྒོད་བྲེའུ་ཆུང་གང་ཞིག་རྔུས་ཏེ་བཞག་པ་དེ། དེས་བཀྲབས་ནས་བསྟི་གནས་དེ་དང་ཧ་ཅང་མི་རིང་བ་ན་ཕྱུགས་ལྷས་ཞིག
iiif viewer powered by OpenSeadragon
