| e-texts navigator |
| Wylie |
99b1 དཔལ་མྱ་ངན་ལས་འདས་པ་ཞེས་བྱ་བ་ནི་དོན་དམ་པའོ། ། མྱ་ངན་ལས་འདས་པ་ཞེས་བྱ་བ་ནི་ཆོས་ཀྱི་དབྱིངས་སོ།། ཡང་དག་པའི་མཐའི་ཚིག་བླ་དགས་སོ།། སྙིང་རྗེ་ཆེན་པོའོ།། །
99b2 ཀུན་རྫོབ་ངོ་བོ་འཁོར་བའི་ཚིག་བླ་དགས་སོ།། དེ་ལས་འདས་པ་ནི་དུས་གསུམ་གྱི་སངས་རྒྱས་སྐྱེད་པའི་ཡུམ་མོ།། དེའི་ཕྱིར་འཁོར་བ་དང་མྱ་ངན་ལས་འདས་པའོ།། འཇམ་དཔལ་དེ་ལྟར་ན་ཡུམ
99b3 དུ་ཡིད་ལ་བྱའོ། ། བཅོམ་ལྡན་འདས་ཀྱིས་གསུངས་པ། འཇམ་དཔལ་དེ་བས་ན་ཆོས་རྣམས་ཀྱི་དེ་ཁོ་ན་ཉིད་ཤེས་པས་འདི་བསྒོམ་པར་བྱའོ།། གཟུངས་སྔགས་འདི་བརྗོད་པར་བྱའོ།། ནན་ཏན་དུ
99b4 བསྒྲུབ་པར་བྱའོ། ། འདིའི་ཡོན་ཏན་ཤེས་པར་བྱའོ།། འདི་མཆོད་པར་བྱའོ།། ལུང་ནོད་པར་བྱའོ།། ཐེ་ཚོམ་མེད་པར་བྱའོ།། ལས་ལ་ནན་ཏན་དུ་བྱའོ།། འདིའི་བསྔགས་པ་ཡིད་ལ་བྱའོ།། སོ་སོའི་སྒོ
99b5 ནས་བསྒྲུབ་པར་བྱའོ། ། དེ་སྐད་ཅེས་བྱང་ཆུབ་སེམས་དཔའ་འཇམ་དཔལ་གཞོན་ནུ་ལ་བསྟན་ཏོ།། དེས་ནི་གླེང་གཞིའི་ལེའུ་བསྟན་པ་སྟེ་ལེའུ་དང་པོའོ།། །། དེ་ནས་བྱང་ཆུབ་སེམས
99b6 དཔའ་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ལ་གསོལ་བ། བཅོམ་ལྡན་འདས་འདི་ཇི་ལྟར་བསྒོམ་པར་བྱ། འདི་ལ་ཇི་ལྟར་ནན་ཏན་དུ་བགྱི་ཞེས་གསོལ་བ་དང་། བཅོམ་ལྡན་འདས
99b7 ཀྱིས་གསུངས་པ། འཇམ་དཔལ་འདི་ལྟར་ཡིད་ལ་བྱའོ།། འཇམ་དཔལ་ཆོས་ཐམས་ཅད་ནི་མ་སྐྱེས་པའོ།། ཆོས་ཐམས་ཅད་ནི་མ་འགགས་པའོ།། ཆོས་ཐམས་ཅད་ནི་དྲི་མ་དང་བྲལ་བའོ།། ཆོས
iiif viewer powered by OpenSeadragon
