| e-texts navigator |
| Wylie |
95b1 རྗེ་ཆེན་པོའི་གཟུངས་བཟླས་ན། ། མཆིལ་མ་ལན་གསུམ་བྱུགས་པས་སྐྲངས་པ་ཞི།། སེམས་ཅན་རྙོག་པ་མི་དགེ་སྤྱོད་པ་ན། བྱད་སྟེམས་སྔགས་དང་དགྲ་ཡིས་གཙེས་པའི་ཚེ།། རྩེ་གཅིག་ཐུགས་རྗེ་ཆེན་པོའི
95b2 གཟུངས་བཟླས་ན། ། བྱད་སྟེམས་གདོན་དེ་གཏོང་བའི་མི་ལ་འདུད།། སྡིག་འཕེལ་སྙིགས་མ་དམ་ཆོས་འཇིག་པའི་ཚེ།། འདོད་པའི་མེ་མཆེད་སེམས་ནི་རྨོངས་ལོག་པས།། ཁྱོ་ཤུག་སོ་སོར་གཞན་ལ
95b3 འདོད་ཞེན་ནས། ། ཉིན་མཚན་ལོག་བསམ་རྒྱུན་ནི་མི་འཆད་ཚེ།། གང་ཞིག་ཐུགས་རྗེ་ཆེན་པོའི་གཟུངས་བཟླས་ན།། འདོད་པའི་མེ་ཞི་ཁོག་པའི་སེམས་བསལ་འགྱུར།། བདག་གིས་གཟུངས་འདིའི
95b4 མཐུ་སྟོབས་རྒྱས་བརྗོད་ན། ། བསྐལ་པར་བརྗོད་ཀྱང་མཐར་ཐུག་ཡོང་མི་འགྱུར།། གལ་ཏེ་ཐུགས་རྗེ་ཆེན་པོའི་གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ཆུ་ཀླུང་ངམ་རྒྱ་མཚོར་ཞུགས་ཏེ་ཁྲུས
95b5 བྱས་པ་ལས། དེ་ན་གནས་པའི་སེམས་ཅན་དེ་དང་དེ་དག་གིས་ལུས་བཀྲུས་པའི་ཆུས་ལུས་ལ་རེག་པར་གྱུར་ན། སྡིག་པའི་ལས་དང་ཁ་ན་མ་ཐོ་བའི་ལྕི་བ་ཐམས་ཅད་ཡོངས་སུ་བྱང་ནས། ཞིང
95b6 ཡོངས་སུ་དག་པ་གཞན་དག་ཏུ་པདྨ་ལ་རྫུས་ཏེ་སྐྱེ་བར་འགྱུར་བས། མངལ་དང་། དྲོད་གཤེར་དང་། སྒོ་ང་ལས་སྐྱེས་པའི་ལུས་ལེན་པར་མི་འགྱུར་ན། ཁ་ཏོན་དུ་འདོན་པ་དང་འཆང་བ་ལ་ལྟ
95b7 སྨོས་ཀྱང་ཅི་དགོས། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ལམ་དུ་ཞུགས་ནས་འགྲོ་བའི་ཚེ། རླུང་ཆེན་པོ་ལངས་ཏེ་གང་ཟག་དེའི་ལུས་དང་། སྤུ་དང་། སྐྲ་དང་། གོས་ལ་བུས་པའི་རླུང
iiif viewer powered by OpenSeadragon
