| e-texts navigator |
| Wylie |
93a1 གི་མིང་ནས་འདོན་ཅིང་རྗེས་སུ་དྲན་པར་བགྱིའོ། ། གཞན་ཡང་བདག་གི་སྟོན་པ་དེ་བཞིན་གཤེགས་པ་འོད་དཔག་མེད་ཀྱི་མཚན་འདོན་ཅིང་།། དེ་ནས་གཟུངས་ལན་གཅིག
93a2 གམ་ལན་བདུན་གྱི་བར་དུ་བཏོན་ན། ། བསྐལ་པ་འབུམ་ཕྲག་བརྒྱ་སྟོང་ཇི་སྙེད་འཁོར་བར་འགྱུར་བའི་ཁ་ན་མ་ཐོ་བའི་ལྕི་བ་རྣམས་བསལ་ཞིང་འབྱང་བར་འགྱུར་ལགས་སོ།། གལ་ཏེ་ཐུགས་རྗེ
93a3 ཆེན་པོ་འདི་འདོན་ཅིང་འཆང་ན། ། འཆི་བའི་དུས་ཀྱི་ཚེ་ཕྱོགས་བཅུའི་དེ་བཞིན་གཤེགས་པ་རྣམས་དེར་གཤེགས་ནས། ཕྱག་རྐྱོང་བར་འགྱུར་བས་བསམས་པ་བཞིན་སངས་རྒྱས་ཀྱི་ཞིང་གང
93a4 དང་གང་དུ་སྐྱེ་བར་འདོད་པ་དེ་དང་དེར་སྐྱེ་བར་འགྱུར་ལགས་སོ། ། བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་གང་ལ་ལ་ཞིག་ཐུགས་རྗེ་ཆེན་པོའི
93a5 རིག་སྔགས་འདི་འདོན་ཅིང་ཡོངས་སུ་འཛིན་པ་དག། གལ་ཏེ་ངན་སོང་གསུམ་པོ་དག་ཏུ་ལྷུང་བར་གྱུར་ན། བདག་ནམ་ཡང་མངོན་པར་རྫོགས་པར་སངས་རྒྱས་པར་མི་བགྱིའོ།།
93a6 ཐུགས་རྗེ་ཆེན་པོའི་རེག་སྔགས་འདི་འདོན་ཅིང་ཡོངས་སུ་འཛིན་པ་དག། གལ་ཏེ་ཏིང་ངེ་འཛིན་དང་སྤོབས་པ་ཚད་མེད་པ་ཇི་སྙེད་ཐོབ་པར་མ་གྱུར་ན། བདག་ནམ་ཡང་མངོན་པར་རྫོགས
93a7 པར་སངས་རྒྱས་པར་མི་བགྱིའོ། ། ཐུགས་རྗེ་ཆེན་པོའི་རིག་སྔགས་འདི་འདོན་ཅིང་ཡོངས་སུ་འཛིན་པ་དག། གལ་ཏེ་ཚེ་འདི་ཉིད་ལ་སྨོན་པ་ཐམས་ཅད་ཇི་ལྟར་སྨོན་པ་བཞིན་དུ་གྲུབ་པར་མ་གྱུར
iiif viewer powered by OpenSeadragon
