| e-texts navigator |
| Wylie |
92a1 སྟན་ལས་ལངས་ནས་ཐལ་མོ་སྦྱར་ཞིང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ངལ་འདི་ལྟ་བུའི་གཟུངས་ཡོད།། མིང་ནི་ཐུགས་རྗེ་ཆེན་པོ་ཞེས་ཟེར། སེམས
92a2 ཅན་ཀུན་གྱིས་མི་དགེ་བའི་སྡིག་པ་ཤིན་ཏུ་ལྕི་བའི་སྒྲིབ་པ། བདུད་དང་འཇིགས་པ་ཐམས་ཅད་ཞི་བར་བྱེད་པ། འདོད་པ་ཐམས་ཅད་རབ་ཏུ་ཚིམ་པར་བྱེད་པའི་ཕྱིར་ངས་བཤད་དོ།། བཅོམ་ལྡན་འདས
92a3 ལ་བཤད་པའི་གནང་བ་ཞུས་ནས། དེ་ནས་བཅོམ་ལྡན་འདས་ཀྱིས་རིགས་ཀྱི་བུ་ཁྱོད་ཀྱིས་ཐུགས་རྗེ་ཆེན་པོའི་སྒོ་ནས་གཟུངས་བཤད་པར་འདོད་པའི་དུས་ལ་བབ་བོ།། མྱུར་བར་བཤད་དུ་གསོལ།
92a4 ང་དང་སངས་རྒྱས་ཐམས་ཅད་ཀྱིས་ཀྱང་རྗེས་སུ་ཡི་རང་ངོ་།། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་དགེ
92a5 སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མའམ། ཁྱེའུ་འམ། བུ་མོས་འདོན་པ་དང་འཆང་བར་འདོད་པས། སེམས་ཅན་རྣམས་ཀྱི་ཆེད་དུ་ཐུགས་རྗེ་ཆེན་པོའི་སྒོ་ནས
92a6 ཐོག་མར་འདི་ལྟ་བུའི་སེམས་བསྐྱེད་པར་བྱའོ། ། སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ།། བདག་གིས་ཆོས་རྣམས་ཐམས་ཅད་མྱུར་དུ་རྟོགས་པར་ཤོག། སྤྱན་རས
92a7 གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། ། བདག་གིས་ཡེ་ཤེས་མིག་ནི་མྱུར་དུ་ཐོབ་པར་ཤོག། སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ།། བདག་གིས་སེམས་ཅན་ཐས
iiif viewer powered by OpenSeadragon
