| e-texts navigator |
| Wylie |
90b1 ནས་རྟག་ཏུ་གཟུངས་འཛིན་སྲུང་བར་བྱེད། ། བདག་གིས་རྒྱལ་པོ་ཡུལ་འཁོར་སྲུང་དང་ནི།། མ་མོ་ལྷ་ལ་སོགས་པ་མཐུ་ཆེན་འཁོར།། བཏང་ནས་རྟག་ཏུ་གཟུངས་འཛིན་སྲུང་བར་བྱེད།། བདག་གི
90b2 རྒྱལ་པོ་འཕགས་སྐྱེས་པོ་དང་ནི། ། མིག་མི་བཟང་དང་རྣམ་ཐོས་བུ་དག་ཀྱང་།། བཏང་ནས་རྟག་ཏུ་གཟུངས་འཛིན་སྲུང་བར་བྱེད།། བདག་གིས་གསེར་མདོག་རྨ་བྱའི་རྒྱལ་པོ་དང་།། སྡེ་དཔོན་ཉི་ཤུ
90b3 རྩ་བརྒྱད་དྲང་སྲོང་འཁོར། ། བཏང་ནས་རྟག་ཏུ་གཟུངས་འཛིན་སྲུང་བར་བྱེད།། བདག་གིས་ནོར་བུ་བཟང་པོ་དག་དང་ནི།། སྡེ་དཔོན་ཆེན་པོ་སྣ་འཛིན་བུ་ལ་པ།། བཏང་ནས་རྟག་ཏུ་གཟུངས་འཛིན
90b4 སྲུང་བར་བྱེད། ། བདག་གིས་དགའ་བོ་དང་ནི་བསྙེན་དགའ་བོ།། ཀླུ་རྒྱལ་རྒྱ་མཚོ་དང་ནི་ཨེ་ལའི་འདབ།། བཏང་ནས་རྟག་ཏུ་གཟུངས་འཛིན་སྲུང་བར་བྱེད།། བདག་གིས་ལྷ་མ་ཡིན་དང་དྲི་ཟ་དང་།
90b5 མཁའ་ལྡིང་མི་འམ་ཅི་དང་ལྟོ་འཕྱེ་རྣམས།། བཏང་ནས་རྟག་ཏུ་གཟུངས་འཛིན་སྲུང་བར་བྱེད།། བདག་གིས་ཆུ་དང་མེ་དང་གློག་གི་ལྷ།། གྲུལ་བུམ་བདག་པོ་དང་ནི་ཤ་ཟ་དག། བཏང་ནས་རྟག་ཏུ
90b6 གཟུངས་འཛིན་སྲུང་བར་བྱེད། ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་གཞན་ཡང་གཟུངས་འདི་འདོན་ཅིང་ཡོངས་སུ་འཛིན་པ་དག་གི་ཆེད་དུ་གནོད་པ་དང་བགེགས
90b7 ཡོངས་སུ་བསལ་བའི་ཕྱིར། ། ཤིན་ཏུ་བསིལ་བའི་ཚིགས་སུ་བཅད་པ་འདི་དག་སྨྲས་སོ།། གང་ཞིག་རི་དང་འབྲོག་དགོན་སོང་བ་ན།། སྟག་དང་སྤྱང་ཀི་གཅན་གཟན་གཏུམ་པོ་དང་།། རྩངས
iiif viewer powered by OpenSeadragon
