| e-texts navigator |
| Wylie |
53b1 ཐམས་ཅད་ཀྱི་བཅིངས་པ་གཅོད་པ་ལ་ཕྱག་འཚལ་ལོ། ། སེམས་ཅན་ཐམས་ཅད་ལ་མི་འཇིགས་པ་སྦྱིན་པ་ལ་ཕྱག་འཚལ་ལོ།། དེ་ནས་འཇིགས་པ་མེད་པ་འཕགས་པ་སྤྱན་རས་གཟིགས་དབང་ཕྱུག
53b2 གི་གཞན་གྱིས་མི་ཐུབ་པའི་སྙིང་པོ་འདི་བརྗོད་པར་བྱའོ། ། ལས་ཀུན་བྱེད་པ་དགེ་བ་སྟེ།། འབྱུང་པོ་ཀུན་གྱི་འཇིགས་པ་མེད།། བདུད་རྩིའི་ལས་ནི་བདུད་རྩི་འབྱུང་།། འདི་ནི་ལས་ཀུན་བྱེད་པ་ཡིན།། །
53b3 དགྲ་ཀུན་འཇིགས་པར་བྱེད་པ་སྟེ།། བརྗོད་དང་དེ་བཞིན་འཐབ་པ་དང་།། གཞན་ཡང་དགྲས་ནི་འཁོར་བ་དང་།། རྩོད་པའི་ནང་དུ་རྩོད་བྱེད་དང་།། རྟག་ཏུ་དགྲ་དང་ཕྲད་པ་དང་།། རྨུགས་པར་བྱེད་ཅིང
53b4 རེངས་པར་བྱེད། ། རྨོངས་པར་བྱེད་ཅིང་སྡིག་པ་སེལ།། དུག་དང་མེ་ནི་དེངས་པར་བྱེད།། རིམས་དང་ཉེས་སྡིག་ཐམས་ཅད་སེལ།། ཆོམ་རྐུན་དང་ནི་ཆུ་དང་སྦྲུལ།། རྨི་ལམ་ངན་པ་ཐམས་ཅད་སེལ།།
53b5 འབྱུང་པོ་ཐམས་ཅད་ཟློག་པ་ཡིན།། སངས་རྒྱས་བྱང་ཆུབ་འདྲེན་པ་དང་།། ཆོས་ཀུན་རབ་ཏུ་སྟོན་པ་སྟེ།། འདི་ནི་རིག་སྔགས་མཐུ་སྟོབས་ཅན།། གཞན་གྱིས་མི་ཐུབ་སྲིན་པོ་འཇོམས།། གང་ཚེ
53b6 རིག་སྔགས་འདི་འཆང་བ། ། དེ་ནས་འདི་གཡོ་བར་འགྱུར།། འཇིགས་མེད་ལྡན་པ་ཞེས་བྱ་བའི།། རིག་སྔགས་རྒྱལ་པོ་བླ་ན་མེད།། འཇིག་རྟེན་མགོན་པོས་གསུངས་པ་སྟེ།། འཇིག་རྟེན
53b7 གསུམ་པོ་ཀུན་གྱིས་མཆོད། ། དེ་ནས་འཇིགས་པ་མེད་པ་སྤྱན་རས་གཟིགས་དབང་ཕྱུག་གིས་དེ་བཞིན་གཤེགས་པ་རྗེས་སུ་དྲན་པར་བྱས་ནས། རང་གི་སྙིང་པོ་གཞན་གྱིས་མི་ཐུབ་པ་དེ་བཞིན
iiif viewer powered by OpenSeadragon
