| e-texts navigator |
| Wylie |
52b1 མཉམ་པར་བཞག་བཞིན་དུ་འཆི་བའི་དུས་བྱེད་པར་འགྱུར་རོ། ། ཚེ་རབས་ཐམས་ཅད་དུ་ཚེ་རབས་དྲན་པར་འགྱུར་རོ།། ཇི་ལྟར་འདོད་པ་བཞིན་དུ་ལས་ཀྱི་སྒྲིབ་པ་ཐམས་ཅད་ཟད་པར་བྱེད
52b2 པབར་འདོད་ན། ཚེས་བཅོ་ལྔའི་ཟླ་བ་ཉབ་ལ་སྦྱང་བ་བྱས་ལ་གོས་དཀར་པོ་བགོས་ཏེ། རིང་བསྲེལ་དང་བཅས་པའི་མཆོད་རྟེན་ནམ། སྐུ་གཟུགས་ཀྱི་སྤྱན་སྔར་ཙན་དན་དཀར་པོས་དཀྱིལ
52b3 འཁོར་བསྐུས་ལ། དཀྱིལ་འཁོར་དེ་དང་བཅོམ་ལྡན་འདས་ལ་མེ་ཏོག་སྣ་ཚོགས་གཏོར་ཏེ། བཅོམ་ལྡན་འདས་དཔའཕགས་པ་སྤྱན་རས་གཟིགས་དབང་ཕྱུག་ལ་དྲི་ཞིམ་པོའི་བདུག་པ་དང་།
52b4 མར་མེ་དང་། སྤོས་ཀྱིས་བསྟི་སྟང་བྱས་ཏེ། དེ་ཉིད་དུ་འདུག་ལ་ལན་བརྒྱ་རྩ་བརྒྱད་བརྗོད་ན། དེས་སྡིག་པ་ཐམས་ཅད་དང་བྲལ་བར་འགྱུར་རོ།། མཚམས་མེད་པ་བྱེད་པའང་སྡིག་པ་བྱང
52b5 ཞིང་ཤིན་ཏུ་ཡོངས་སུ་དག་པའི་སེམས་ཀྱི་རྒྱུད་དང་ལྡན་པ་དང་། ཤིན་ཏུ་ཡོངས་སུ་དག་པའི་ལུས་དང་། ངག་དང་། ཡིད་ཀྱི་སྤྱོད་པ་དང་ལྡན་པར་འགྱུར་རོ།། དེ་བཞིན་གཤེགས་པ་རྣམས
52b6 ཀྱིས་རྟག་པར་རྒྱུན་དུ་ཏིང་ངེ་འཛིན་གྱི་སྟོབས་དང་། དབང་བསྐུར་བའི་སྟོབས་དང་། ས་དང་ཕ་རོལ་ཏུ་ཕྱིན་པའི་སྟོབས་དང་།། ཡེ་ཤེས་ཁྱད་པར་ཅན་གྱི་སྟོབས་སྒྲུབ་པར་མཛད་དོ།། གནམ་ལ
52b7 གྱེན་དུ་བལྟས་ཏེ་བཟླས་བརྗོད་བྱས་ན་ཆར་འབབ་བོ། ། ས་ལ་བལྟས་ཏེ་བཟླས་བརྗོད་བྱས་ན་ལོ་ཏོག་ཐམས་ཅད་ལེགས་པར་འགྱུར་རོ།། འབབ་ཆུ་དང་། མཚེའུ་དང་། རྫིང་བུའི་ཤུལ་དུ་བལྟས་ཏེ
iiif viewer powered by OpenSeadragon
