| e-texts navigator |
| Wylie |
52a1 འགྱུར་རོ། ། གཅིག་པུ་རབ་ཏུ་དབེན་པར་འདུག་སྟེ། སངས་རྒྱས་ཡིད་ལ་བྱ་བ་མངོན་དུ་དམིགས་ནས། བཅོམ་ལྡན་འདས་ལག་ན་པདྨ་རྗེས་སུ་དྲན་པར་བྱས་ལ་ལན
52a2 བདུན་བརྗོད་ན་དམ་པ་ཅི་འདོད་པ་ཐོབ་པར་འགྱུར་རོ། ། སེམས་ཅན་ཐམས་ཅད་ཀྱི་ཡིད་དུ་འོང་བར་འགྱུར་རོ།། དེའི་ངན་འགྲོ་ཐམས་ཅད་འགག་པར་འགྱུར་རོ།། ཡུད་ཙམ་ཞིག་འཆག་ཅིང
52a3 འདུག་ལ་ཡིད་ལ་བརྗོད་ན་བསྐལ་པ་བྱེ་བ་འབུམ་ཕྲག་དུ་མར་བསགས་པའི་ལས་འབྱང་བར་འགྱུར་རོ། ། འཁོར་ལོས་སྒྱུར་བ་སྟོང་གིས་བསགས་པའི་བསོད་ནམས་ཀྱི་ཕུང་པོ་ཆེན་པོ
52a4 དང་ལྡན་པར་འགྱུར་རོ། ། ཚེ་རབས་ཚེ་རབས་སུའང་པདྨའི་རིགས་ཆེན་པོར་སྐྱེ་བར་འགྱུར་རོ།། སྐྱེ་བོ་ཁྱད་པར་དུ་འཕགས་པས་བཀུར་བར་འགྱུར་རོ།། མེ་ཏོག་དྲི་ཞིམ་པོས་སྙིམ་པ
52a5 བཀང་སྟེ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ལན་བདུན་བརྗོད་ན་ཡོན་ཏན་ཆེན་པོ་སྟོང་ཐོབ་པར་འགྱུར་རོ།། སྙིང་རྗེ་ཆེན་པོའི་ཆོས་ཉིད་སྣང་བའང་དེ་ལ་སྐྱེ་བར
52a6 འགྱུར་རོ། ། དམ་པ་ཆེན་པོ་དང་ལྡན་པར་འགྱུར་རོ།། དེ་ཉིད་ཀྱི་གདོང་དུ་བལྟས་ཏེ་བཟླས་བརྗོད་བྱས་ན་བཅོམ་ལྡན་འདས་ཞལ་རྟག་ཏུ་བཞད་པ་འཕགས་པ་སྤྱན་རས་གཟིགས་དབང་ཕྱུག
52a7 མཐོང་བར་འགྱུར་ཞིང་། ཆོས་སྣང་བའི་གསལ་བ་དང་པོ་དྲི་མ་མེད་པར་བྱེད་པ་ཞེས་བྱ་བ་ཐོབ་པར་འགྱུར་རོ།། ཚེ་འདི་ཉིད་ལ་སངས་རྒྱས་རྗེས་སུ་དྲན་པ་ཐོབ་པར་འགྱུར་རོ།། སེམས
iiif viewer powered by OpenSeadragon
