| e-texts navigator |
| Wylie |
528b1 གསོ་སྦྱོང་ཅན་གྱིས་བྱ་བའོ།། སེམས་ཅན་ཐམས་ཅད་ལ་སེམས་ཀྱིས་དམིགས་པས་ས་ལས་བྱུང་བའི་ཀ་བ་ལ་དང་། སེལླ་ཀ་ལ་བརྒྱད་བརྒྱར་མངོན་པར་བསྔགས་པར་བྱས་ནས། གཞོན་ནུ་མས་མདུད་པ་བརྒྱད་བརྒྱ
528b2 བྱའོ། ། དེ་ནས་དེ་དྲིའི་ཆུས་བཀྲུས་ནས་ཤིང་ལ་བཞག་སྟེ། དེའི་མགོ་ལ་བཅིང་བར་བྱའོ།། དེ་བཞིན་དུ་མ་ཧེ་རྣམས་དང་། ར་རྣམས་དང་། ཕྱུགས་རྣམས་ལ་ཆོམ་རྐུན་གྱིས་ཉེ་བར་འཚེ་བ་ལ་ར་བ་ལ་བཅིང་བར་བྱའོ།།
528b3 བུམ་པ་ཆུས་གང་བ་བྱས་ནས་གཙང་མས་བརྒྱད་བརྒྱར་མངོན་པར་བསྔགས་པ་བྱས་ཏེ་ནད་པའོ་རྐེད་པ་ལ་བཅིང་བར་བྱའོ།། རང་གི་གནས་སུ་འགྱུར་རོ།། ཁྱིམ་དུ་ཚངས་པའི་སྲིན་པོ་དང་ཤ་ཟས་ཉེ་བར་འཚེ་བ་རྣམས
528b4 ལསྦྱིན་སྲེག་གྱིས་ཤིག། ཇི་ལྟར་ནུས་པའི་གཏོར་མའི་ཆོ་ག་བྱའོ་ཞེས་ཏེ། འདི་ནི་རི་ཁྲོད་ལོ་མ་ཅན་ཞེས་བྱ་བའི་གཟུངས་རལ་པ་གྱེན་བརྫེས་ཀྱི་རྒྱུད་ཕྱི་མར་གསུངས་པ་བྱང་ཆུབ་སེམས་དཔའ་ཡང་དག་པར་རྗོ།
528b5 པའི་མདོ་སྡེའང་ངོ་།། ། སླར་ཡང་དུས་དེའི་ཚེ་སངས་རྒྱས་བཅོམ་ལྡན་འདས་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྤྱི་བོར་ཕྱག་གཡས
528b6 པ་རབ་ཏུ་བརྐྱང་ནས་མྱུག་པར་མཛད་དེ། འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་རིན་ཆེན་འཕྲེང་བ་ཞེས་བྱ་བའི་གཟུངས་ཡོད་དེ། འདི་ཀློག་པར་བྱེད་པས་འགྲུབ་པར་སངས་རྒྱས་ཐམས་ཅད་ཀྱིས་རྗེས་སུ་ཡི་རང
528b7 བས་གསུངས་སོ། ། རྟོག་པའི་རྒྱལ་པོ་ཆེན་པོ་ཕྱི་མ་དེ་ལ་བསྲུང་བ་དང་། བསྐྱབ་པ་དང་། སྦ་བའི་ཆང་དང་། རལ་པ་གྱེན་བརྗེས་ཀྱི་རྒྱུད་དབྱི་མར་བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་པ་པོའི་དངོས་གྲུབ་བྱེད
iiif viewer powered by OpenSeadragon
