| e-texts navigator |
| Wylie |
522b1 བདུན་སྦྱིན་སྲེག་གྱིས་ཤིག། ལྷ་རྣམས་ཚིམ་པར་བྱེད་པ་བྱས་ནས་སླར་ཡང་ལྷ་དེ་རྣམས་མདུན་དུ་པདྨ་ཁ་སྦྱོར་དུ་རིལ་བུ་བཅུག་ནས། ཇི་སྲིད་དུ་དུབ་འཐུལ་བ་དང་། དྲོ་བར་བྱེད་པ་དང་། འབས
522b2 བར་བྱེད་པ་དེ་སྲིད་དུ་བཟླས་པར་བྱའོ། ། དྲོ་བཞིན་པ་ལ་ནི་ཐིག་ལེ་བྱས་པའི་སྐྱེ་བོ་ཐམས་ཅད་དགའ་བར་འགྱུར་རོ།། ངུ་བ་འཕྲུལ་བཞིན་པ་ལ་ནི་མི་སྣང་བར་འགྱུར་རོ།། རབ་ཏུ་འབ་བས་ཐིག་ལེ
522b3 བྱས་ན་རིག་པ་འཛིན་པ་དྲུག་གིས་ཡོངས་སུ་བསྐོར་བའི་རིག་པ་འཛིན་པའི་བུ་མོ་རྣམས་ཀྱིས་ལྷན་ཅིག་རྩེ་བར་བྱེད་དོ། ། གང་གི་ཚེ་འཆི་བ་དེའི་ཚེ་ནོར་ཆེན་པོའི་ཁྱིམ་དུ་སྐྱེ་བར་འགྱུར་རོ།། སྐྱེ་བ་དྲན
522b4 པབར་ཡང་འགྱུར་རོ། ། ཏིལ་གྱི་སྦྱིན་སྲེག་གྱིས་ཤིག། ཀླུ་དབང་དུ་འགྱུར་རོ།། ཉ་དང་ཤའི་སྦྱིན་སྲེག་གྱིས་ཤིག། ཡི་དགས་དབང་དུ་འགྱུར་རོ།། མཱ་ལ་ཏིའི་མེ་ཏོག་གི་སྦྱིན་སྲེག་བྱེད་ན
522b5 ལྷ་མོ་ཆུས་བྱུང་དབང་དུ་འགྱུར་རོ། ། པྲི་ཡང་ཀུའི་མེ་ཏོག་གི་སྦྱིན་སྲེག་གྱིས་ཤིག། ལྷ་དབང་དུ་འགྱུར་རོ།། སཽ་གནྡྷ་ཀའི་སྦྱིན་སྲེག་བྱེད་ན་གནོད་སྦྱིན་དབང་དུ་འགྱུར་རོ།། ཡུངས་ཀར་དཀར་པོ་ལ
522b6 ལན་བདུན་མངོན་པར་བསྔགས་པས་གང་གི་སྤྱི་བོར་བྱིན་པ་དེ་དབང་དུ་འགྱུར་རོ། ། གདོན་གྱིས་ཟིན་པ་དང་། རིམས་ཀྱིས་བཏབ་པ་དང་། སྲིན་པོས་ཟིན་པའི་མདུན་དུ་སྐེ་ཚེ་ལ་ལན་བདུན་མངོན
522b7 པར་བསྔགས་པས་སྦྱིན་སྲེག་བྱེད་ཅིང་། དེའི་ཐལ་བས་སྣུན་པར་བྱེད་ན་གྲོལ་བར་འགྱུར་རོ།། རྟ་མགྲིན་རྒྱལ་པོའི་ཆོ་ག་ཞིབ་མོ་འདིའང་རྫོགས་སོ།། ། འཕགས་པ་སྤྱན
iiif viewer powered by OpenSeadragon
