| e-texts navigator |
| Wylie |
521a1 དང་། མེ་ཏོག་ལྔ་པ་དང་། པདྨ་གེ་སར་དང་། འཟས་སཱ་ལི་དམར་པོའི་ལུབ་མ་དང་། གཎི་ཀའི་མྱུ་གུ་དང་། ཌཱ་ཀའི་མ་བོན་དང་། འབྲུ་དང་། མ་ཤའི་མྱུ་གུ་དང་།
521a2 དང་། རྒྱ་སྤོས་དང་། ཏུ་རུ་ཀའི་ཏིལ་མར་རྣམས་གཅིག་ཏུ་བྱས་ཏེ། ཆ་མཉམ་པ་གཅིག་ཏུ་བྱས་ནས་རྒྱུད་མཚུངས་པའི་བ་སར་སྐྱའི་འོ་མ་ལ་གསོ་སྦྱོང་ཅན་གྱིས་སེར་སྐྱ་དེ་ལ་རྣམ་པར་དབེན་པར་རྩ
521a3 སྔགས་སུ་བཟླས་ནས་ཁྱིམ་དུ་བཏགས་ཏེ། ལེགས་པར་བཙགས་པའི་ཆུ་ལ་མངོན་པར་བསྔགས་ནས་ཉི་མ་བདུན་དུ་སྤྱད་པར་བྱའོ།། ཁྱིམ་དུའམ་རྣམ་པར་དབེན་པའི་ཕྱོགས་སུའང་རུང་སྟེ། དེ་ནས
521a4 བསྲུང་བ་བྱས་པའི་བ་ལང་གི་རྫི་ངེས་པ་བཞོ་བར་བྱའོ། ། དེ་ནས་འོ་མ་དེ་དག་གཙང་མའི་ཕྱོགས་རྣམ་པར་དབེན་པར་བུམ་པ་ལ་བཟླས་པར་བྱའོ།། དེ་ནས་རིག་པ་འཛིན་པས་བྲམ་ཟེའི་བུ་མོའི་ལག་པས་སྲུབ
521a5 པབར་བྱེད་དུ་གཞུག་གོ། མར་དེས་རྫས་འདི་རྣམས་བཏགས་པ་བྱས་ཏེ། ལྕགས་གསུམ་གྱིས་ཡོངས་སུ་དཀྲིས་པ་བྱས་ནས། དེའང་བ་སེར་སྐྱའི་བ་བྱུང་ལྔར་རིལ་བུ་མཚན་མོ་གཅིག་ཏུ་བཅུག་ནས་གཞག
521a6 པར་བྱའོ། ། དེ་ནས་བཏོན་ནས་དྲིའི་ཆུ་ལ་གཞག་པར་བྱའོ།། བཀྲུས་ཏེ་པདྨའི་འདབ་མར་གིའུ་ཝང་གིས་བྱུགས་ལ་གཞག་པར་བྱའོ།། དེ་ནས་རས་རིས་ཞལ་ནུབ་ཏུ་ཕྱོགས་པར་བཞག་ནས་སྲུང་བའི་ཚེ
521a7 ག་བྱས་པས་གཏོར་མ་དང་། མར་མེ་དང་། མཆོད་པའི་ཆོ་ག་རྒྱ་ཆེན་པོ་བྱས་ཏེ། དེ་ནས་རིག་པ་འཛིན་པས་ལག་པ་གཉིས་ཀས་པདྨའི་འདབ་མ་རྣམས་ཀྱི་རིལ་བུ་བརྒྱད་བླངས་ཏེ་པདྨ་ཁ་སྦྱོར་དུ་བཞག
iiif viewer powered by OpenSeadragon
