| e-texts navigator |
| Wylie |
519a1 ལྡན་འདས་ཀྱི་པདྨ་དེའང་ཀླུ་གཞོན་ནུ་རྣམས་ཀྱིས་འཛིན་པའོ། ། འོག་ཏུ་ལག་ན་སྤོས་ཕོར་ཐོགས་པའི་སྒྲུབ་པ་པོ་པུས་མོ་གཉིས་བཙུགས་པ། འོད་དཔག་མེད་ལ་རྣམ་པར་ལྷ
519a2 བཞིན་པའོ། ། རི་མོའི་ལས་ཡོངས་སུ་རྫོགས་པ་དང་། སྒྲུབ་པ་པོས་གཏོར་མ་དང་། མར་མེ་དང་། མཆོད་པ་རྒྱ་ཆེན་པོ་བྱས་ཏེ། ཟླ་བ་ཉལ་མཚན་མོ་གསུམ་དུ་སྨྱུང་བར་གནས་པས་སྦྱངས་པའི
519a3 སྣོད་དང་གོས་འདི་ཉིད་ཀྱིས་རིག་པའི་རྒྱལ་པོ་རྟ་མགྲིན་བཀུག་ནས་མཆོད་ཡོན་ཕུལ་ཏེ་སྒྲུབ་པ་དང་། སླར་ཡང་གཤེགས་སུ་གསོལ་ཏེ། བ་སེར་སྐྱའི་མར་དང་། པདྨའི་ས་བོན་དང་། ན་ག་གེ་སར་རྣམས
519a4 གཅིག་ཏུ་བྱས་ནས། ཉི་མ་བདུན་དུ་སྦྱིན་སྲེག་གྱིས་ཤིག། དེ་ནས་རིག་པ་འཛིན་པས་ལྷ་རྣམས་ཚིམ་པར་བྱེད་པ་བྱས་ནས་ཀུ་ཤའི་ཁྲེས་ལ་ཉེ་བར་འདུག་པས་སྨོན་ལམ་གདབ་པར་བྱ་སྟེ། ཇི་སྲིད་དུས
519a5 རྣམ་པར་འགྱུར་བ་དྲུག་ཏུ་གཡོ་བ་དང་། མར་མེའི་རྩེ་མོ་འཕེལ་བ་དང་། སྤྲིན་ལས་གུ་ལུ་གུ་ལུའི་སྒྲ་སྒྲོགས་པ་དང་། མེ་ཏོག་གི་ཆར་རབ་ཏུ་འབེབས་པ་དང་། ཙན་དན་གྱི་ཕྱེ་མའི་ཆར་འབེབས་པ་དང་།
519a6 དྲིལ་བུའི་སྒྲ་ཐོས་པ་དེ་སྲིད་དུ་བཟླས་པར་བྱའོ།། དེ་ནས་རིག་པ་འཛིན་པས་རིངས་པ་རིངས་པར་བཟླས་པར་བྱ་སྟེ། ཇི་སྲིད་དུ་རིག་པའི་རྒྱལ་པོ་བརྩོན་འགྲུས་ཆེན་པོས་ཕ་རོལ་གནོན་པ་རྟ་མགྲིན་རིག་པ
519a7 ཐམས་ཅད་ཀྱིས་སྒྲུབ་པ་ས་ལ་འོངས་པ་དེ་སྲིད་དུའོ། ། དེ་ནས་སྒྲུབ་པ་པོས་མེ་ཏོག་དཀར་པོ་དང་དྲིའི་ཆུས་ཡོངས་སུ་བཀང་བའི་སྣོད་ཀྱིས་མཆོད་ཡོན་ཕུལ་ནས་སྨོན་ལམ་གདབ་བོ།། འདི་སྐད་ཅེས
iiif viewer powered by OpenSeadragon
