| e-texts navigator |
| Wylie |
517b1 ཏིག་གི་དོ་ཤལ་རབ་ཏུ་འཕྱང་བཞིན་པ། གསེར་དང་ཤེལ་ལས་བྱུང་བ་དང་། བཻ་ཌཱུཪྻ་ལས་བྱུང་བ་དང་། ཨིནྡྲ་ནཱི་ལ་ལས་བྱུང་བ་དང་། མཐོན་ཀ་ཆེན་པོ་ལས་བྱུང་བའི་ཐེམ་སྐས་དང་། སྣམ་བུ་རྣམས
517b2 ཀྱིས་སྣ་ཚོགས་པའི་མེ་ཏོག་ཉེ་བར་མཛེས་པས་རིག་པའི་རྒྱལ་པོ་དང་། སྒྲུབ་པ་པོ་དེ་ལ་མངོན་པར་དབང་བསྐུར་བ་བྱས་ནས། སྒྲུབ་པ་པོ་ལ་སྨྲས་པ། གནས་འདི་ནི་བཅོམ་ལྡན་འདས་འཕགས
517b3 པ་སྤྱན་རས་གཟིགས་དབང་ཕྱུག་གི་གནས་རིན་པོ་ཆེ་སྣ་བཞི་ལས་བྱུང་བ། ཁང་པ་དབུས་མར་ཇི་སྲིད་བྱང་ཆུབ་ཀྱི་བར་དུ་རང་གི་གནས་བཞིན་དུ་ཀུན་ཏུ་སྤྱོད་ཅིང་གནས་སོ།། དེ་ནས་རིག་པ་འཛིན
517b4 པའི་རྒྱལ་པོ་ལ་མངོན་པར་དབང་བསྐུར་ཏེ། རིག་པའི་རྒྱལ་པོ་རབ་ཏུ་བགྲོད་པར་གྱུར་ཏོ།། འདི་ནི་དངོས་གྲུབ་སྟེ། བཅོམ་ལྡན་འདས་འདིའི་མཐུ་རྣམ་པར་བསྒྱིངས་པས་མཚམས་མེད་པ
517b5 བྱེད་པས་ཀྱང་འདི་འགྲུབ་པར་བྱེད་དོ། ། རྟ་མགྲིན་རྒྱལ་པོས། རིག་པའི་རྒྱལ་པོ་ཐམས་ཅད་ལ་སྨྲས་པ། བཅོམ་ལྡན་འདས་མ་དང་འཕགས་པ་སྤྱན་རས་གཟིགས་དབང་ཕྱུག་གི་གནས་རིན་པོ་ཆེ་སྣ
517b6 བཞི་ལས་བྱུང་བ། དབུས་མའི་ཁང་པར་རང་གི་གནས་བཞིན་དུ་གཞི་ལ་གནས་པའི་རིག་པ་སྒྲོལ་མ་དང་། ཁྲོ་གཉེར་ཅན་དང་། གཞན་རིག་པ་ཐམས་ཅད་ཕ་རོལ་གནོན་པ་ཆེན་པོའོ།། རིག
517b7 པའི་རྒྱལ་པོ་འདི་ནི་མ་བསྒྲུབས་པ་ཉིད་དུ་ལས་ཐམས་ཅད་བྱེད་དེ་གཏན་པ་གཅོད་པར་བྱེད་པ་དང་། ཧཱུཾ་ཡིག་གིས་རྒྱ་མཚོ་སྐམས་པར་བྱེད་པ་དང་། སོར་མོའི་སྡིགས་མཛུབ་ཀྱིས་ཐམས་ཅད
iiif viewer powered by OpenSeadragon
