| e-texts navigator |
| Wylie |
517a1 ཁ་ཡང་དག་པར་གཏད་པར་གྱུར་ཏོ། ། གྲུ་འཛིན་དུ་སོང་ཞིག། གང་འདོད་པ་དེ་སྦྱིན་པར་འགྱུར་རོ།། དེ་ནས་རིག་པའི་རྒྱལ་པོ་རིག་པའི་རྒྱལ་པོའི་ཚོགས་ཀྱིས་བསྐོར་བ་དང་བཅས
517a2 པ་སྒྲུབ་པ་པོའི་ལག་པ་གཡས་པ་ནས་བཟུང་ནས་རྒྱ་མཚོའི་དབུས་སུ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པ
517a3 སྒྲུབ་པ་པོའི་རིག་པའི་ཚོགས་ལ་མེ་ཏོག་གི་ཆར་འབེབས་པ་དང་། རྔ་བོ་ཆེ་དང་། རྔ་པ་ཊ་ཧ་དང་། རྔ་དང་། རྫ་རྔ་ཁ་གཅིག་པ་དང་། རྫ་རྔ་རྣམས་སྒྲའིའབྱིན་བཞིན་དུ་གྲུ་འཛིན་དུ་འགྲོ་བར་བྱེད་དོ།། རྒྱ་མཚོ
517a4 སྟེང་དེར་རྒྱ་མཚོ་ཆེན་པོ་རིག་པའི་རྒྱལ་པོས་མཐོང་ནས། སྐྱེས་བུ་དམ་པ་དེའང་ཆུ་ཀླུང་ཐམས་ཅད་ཀྱིས་ཡོངས་སུ་བསྐོར་བའི་རིན་པོ་ཆེའི་མཆོད་ཡོན་རབ་ཏུ་སྩོལ་བར་བྱེད་པར་འགྱུར་རོ།། ལེགས་སོ་ཞེས
517a5 བྱ་བའང་གནང་བར་མཛད་དོ། ། རིགས་ཀྱི་བུ་ལེགས་སོ་ལེགས་པར་འཚོ་བ་དང་། གཟི་བརྗིད་དང་ལྡན་པའི་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་གནས་སོ།། དེ་ནས་རྒྱ་མཚོ
517a6 ། ཆེན་པོ་བསྒྲལ་ནས་གྲུ་འཛིན་དུ་སོང་སྟེ་མཐོང་བ་དང་། དེར་གང་རིག་པ་འཛིན་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མོ་འམ་ཙི་དང་། ལྟོ་འཕྱེ
517a7 ཆེན་པོ་རྣམས་ཐམས་ཅད་མཆོད་ཡོན་གྱི་སྣོད་ཀྱི་མེ་ཏོག་གི་ཆར་ཆེན་པོས་སྒྲུབ་པ་པོ་ལ་བསུ་བ་ལ་འོང་བར་བྱེད་དོ། ། དེ་ནས་གྲུ་འཛིན་མཐོང་ནས་སྣ་ཚོགས་པའི་ནོར་བུ་དང་སྨན་གྱིས་བསྐུས་པ། མུ
iiif viewer powered by OpenSeadragon
