| e-texts navigator |
| Wylie |
515b1 རས་སྒྲ་དང་བྲལ་བ་ལ་ཁ་དོག་མ་འདྲེས་པའི་ཚོན་གྱིས་རི་མོ་མཁན་གསོ་སྦྱོང་ཅན་གྱིས་བིར་གསར་པས། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གསེར་ལྟར་སེར་བ། རལ་པ
515b2 འཕྱང་བ། འོད་དཔག་མེད་དབུ་ལ་འཛིན་པ། ཕ་རོལ་ཏུ་ཕྱིན་པ་ཐམས་ཅད་ཀྱིས་ཡོངས་སུ་བསྐོར་བ་འདྲིར་གཞུག་པར་བྱའོ།། འོག་ཏུ་སྒྲུབ་པ་པོ་སྤོས་ཕོར་ལག་ན་ཐོགས་པས་པུས་མོ་གཉིས་བཙུག
515b3 པ་བྱང་ཆུབ་སེམས་དཔའ་ལ་ངེས་པར་རྟོག་བཞིན་པའོ། ། དེ་ནས་རིག་པ་འཛིན་པས་དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ཏེ་རས་རིས་ཀྱི་སྤྱན་སྔར་ཉི་མ་རེ་རེ་ཞིང་རྒྱུན་མི་འཆད་པའི
515b4 མཆོད་པ་དང་། གཏོར་མ་དང་། མར་མེའང་ཇི་སྲིད་ཟླ་བ་ཉ་བའི་བར་དུ་བྱའོ།། ཟླ་བ་ཉ་ལ་མཆོད་པ་རྒྱ་ཆེན་པོ་དང་། གཏོར་མ་དང་། མར་མེའང་བྱས་ནས་སྨོན་ལམ་གདབ་པར་ཡང་བྱ་སྟེ། སངས
515b5 རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱ་བ་བྱས་ནས། མཱ་ལ་ཏིའི་མེ་ཏོག་གིས་ཡོངས་སུ་བཀང་བའི་དྲིའི་ཆུའི་སྣོད་ལག་པ་གཉིས་ཀས་བླངས་ནས་པུས་མོ་གཉིས་བཙུགས་ཏེ། རྩ་བའི
515b6 སྔགས་ལན་བདུན་བརྗོད་ནས་རང་གི་ལྷ་རྣམས་སྤྱན་དྲང་བར་བྱ་སྟེ། མཆོད་ཡོན་དང་གདན་ཕུལ་ནས་སླར་ཡང་བྱབས་ཏེ་བ་སེར་སྐྱའི་མར་ལ་བཏགས་པའི་མཱ་ལ་ཏིའི་མེ་ཏོག་སྦྱིན་སྲེག་བྱའོ།། ལྷ
515b7 རྣམས་ཚིམ་པར་བྱེད་པ་བྱས་ནས་བསྲུང་བ་བྱས་པ་ཀུ་ཤའི་ཁྲེས་ལ་ཉེ་བར་འདུག་སྟེ། ང་རྒྱལ་དང་བྲལ་བ་མི་སྨྲ་བས་གཡོ་བ་བཅོམ་སྟེ། དྲན་པ་མཆོག་གིས་དམིགས་པར་བྱས་ལ། ཇི་སྲིད་འཕགས
iiif viewer powered by OpenSeadragon
