| e-texts navigator |
| Wylie |
514b1 བར་འགྱུར་རོ། ། སྐྱེ་བ་དྲན་པར་ཡང་འགྱུར་རོ།། ཆོ་ག་དེ་ཉིད་ཀྱིས་བ་སེར་སྐྱའི་མར་གསར་པ་ལ་གཟུགས་བརྙན་བྱས་ནས། རས་རིས་ཀྱི་སྤྱན་སྔར་གཏུབ་ཅིང་སྦྱིན་སྲེག་བྱའོ།། ཇི་སྲིད་གནོད་སྦྱིན་མོ
514b2 བྱུང་བའི་བར་དུའོ། ། ཆོ་ག་འདི་ཉིད་ཀྱིས་ཙན་དན་དམར་པོ་ལས་བྱུང་བའི་གཟུགས་བརྙན་བྱས་ནས། རྩ་བའི་སྔགས་ཀྱིས་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་ཆུ་ཀླུང་དུ་གཞུག་གོ། སྐད་ཅིག་དེ
514b3 ཉིད་ལ་གཟུགས་བཟང་པོའི་གནོད་སྦྱིན་མོ་འོང་ཞིང་འདོད་པ་ཐམས་ཅད་རབ་ཏུ་སྦྱིན་པར་འགྱུར་རོ། ། ནིམྦའི་ཤིང་ལས་བྱུང་བའི་བདེ་བར་གཤེགས་པའི་མཐོ་གང་གི་ཚད་ཀྱི་གནོད་སྦྱིན་མོ་བྱེད་དུ་བཅུག
514b4 ནས། རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པའི་ཚོན་གྱིས་འདྲིར་གཞུག་པར་བྱའོ།། རིང་བསྲེལ་དང་བཅས་པའི་མཆོད་རྟེན་དུ་ཚོ་གས་གཏོར་མ་དང་མར་མེའི་མཆོད་པ་རྒྱ་ཆེན་པོ་བྱས་ནས།
514b5 དེ་ནས་སྒྲུབ་པ་པོས་རྣམ་པར་དབེན་པར་སྦྱངས་པའི་སྣོད་དང་གོས་ཀྱི་རྩ་བའི་སྔགས་ཀྱིས་ལྷ་རྣམས་སྤྱན་དྲང་བར་བྱ་སྟེ། མཆོད་ཡོན་དང་གདན་ཕུལ་ནས་སླར་ཡང་གཤེགས་སུ་གསོལ་ཏེ། ཇི་སྲིད་དུ་གནོད་སྦྱིན་མོ
514b6 རང་ཉིད་ཀྱི་གཟུགས་ཀྱིས་གསལ་བར་བྱེད་བཞིན་པ་མ་ཏོག་གི་འཕྲེང་བ་བྱས་ནས་འོང་བར་བྱེད་དེ། དེ་སྲིད་དུ་བཟླས་པར་བྱའོ།། དེ་སྨྲ་བ་དང་། དེ་ནས་སྒྲུབ་པ་པོས་ཆུང་མ་མཛོད་ཅིག་ཅེས་བརྗོད་པར་བྱའོ།།
514b7 དེནས་རབ་ཏུ་འཛུམ་པ་བཞིན་གྱིས་སྒྲུབ་པ་པོ་ལ་མེ་ཏོག་གི་འགྲེང་བ་སྦྱིན་པར་བྱེད་དོ།། རང་གི་ལག་པས་བཟུང་ནས་བཅོམ་ལྡན་འདས་ཀྱི་དྲང་དུ་འགྲོ་བར་བྱེད་དོ།། བཅུད་ཀྱིས་ལེན་སྦྱིན་པར་བྱེད་དོ།།
iiif viewer powered by OpenSeadragon
