| e-texts navigator |
| Wylie |
513b1 བཀའ་བསྒོ་བ་བཞིན་དུའོ་ཞེས་ཟེར་རོ། ། སྒྲུབ་པ་པོ་ལག་པས་བཟུང་ནས་རང་གི་གནས་སུ་འགྲོ་བར་བྱེད་དོ།། བཅུད་ཀྱིས་ལེན་སྦྱིན་པར་བྱེད་དོ།། སྐད་ཅིག་དེ་ཉིད་ལ་གཟུགས་བཟང་པོ་རབ་ཏུ་མཛེས་པར་འགྱུར
513b2 རོ། ། ལོ་སྟོང་ཕྲག་ལྔར་འཚོ་བར་བྱེད་དོ།། ཆོ་ག་དེ་ཉིད་ཀྱིས་རས་ལ་ཁ་དོག་མ་འདྲེས་པའི་ཚོན་གྱིས་རི་མོ་མཁན་གསོ་སྦྱོང་ཅན་གྱིས་གནོད་སྦྱིན་མོ་འདྲར་གཞུག་པར་བྱའོ།། གསེར་ལྟར་སེར་བ། གོས་གཅིག།
513b3 པ། སྐྲ་གྲོལ་བ། ཀུན་ཏུ་ཆགས་པའི་སེམས་ཀྱིས་སྒྲུབ་པ་པོ་ལ་ངེས་པར་རྟོག་བཞིན་པ། ཨ་ཏི་མུཀྟའི་ཤིང་ལ་འཕྱང་བཞིན་པ། ཅུང་ཟད་འཛུམ་པའི་བཞིན་ཅན། ཕྱག་གཡས་པའི་སོར་མོས་སྒྲུབ་པ་པོ་ལ
513b4 སྡིགས་པར་བྱེད་པའོ། ། དེ་ནས་སྒྲུབ་པ་པོས་རིང་བསྲེལ་དང་བཅས་པའི་མཆོད་རྟེན་དུ་རས་རིས་བཞུགས་སུ་གསོལ་ཏེ། གོས་གཙང་མ་བགོས་ནས་རས་རིས་ཀྱི་སྤྱན་སྔར་མཚན་མོ་གསུམ་སྨྱུང་བར་གནས་ཏེ
513b5 མཆོད་པ་རྒྱ་ཆེན་པོ་བྱས་ནས་མཆོད་ཡོན་དང་། རི་མོར་བྱ་བ་དང་། སླར་ཡང་མཆོད་ཡོན་ཕུལ་ནས་གཤེགས་སུ་གསོལ་ཏེ་འོ་མའི་སྲེག་བླུགས་ཉི་ཤུ་རྩ་བརྒྱད་སྦྱིན་སྲེག་གྱིས་ཤིག། དེ་ནས་སྒྲུབ་པ་པོས་རྩ་བའི
513b6 སྔགས་ཀྱིས་ལན་བདུན་བསྔགས་པའི་མཱ་ལ་ཏིའི་མེ་ཏོག་རེ་རེས་ཇི་སྲིད་རང་ཉིད་འོངས་ཀྱི་བར་དུ་གནོད་སྦྱིན་མོ་ལ་བསྣུན་པར་བྱའོ། ། སྒྲུབ་པ་པོ་ལག་པས་བཟུང་ནས་རང་གི་གནས་སུ་འགྲོ་བར་བྱེད་དོ།། གནས
513b7 སུ་སོང་ནས་བཅུད་ཀྱིས་ལེན་སྦྱིན་པར་བྱེད་དོ། ། སྐད་ཅིག་དེ་ཉིད་ལ་གཟུགས་བཟང་པོར་འགྱུར་ཏེ། དེ་ཡིས་ལྷན་ཅིག་རོལ་བར་བྱེད་དོ།། ལོ་སྟོང་ཕྲག་ལྔ་འཚོ་བར་བྱེད་དོ།། གང་གི་ཚེ་འཆི་བ་དེའི་ཚེ་ནོར་ཆེན་པོའི
iiif viewer powered by OpenSeadragon
