| e-texts navigator |
| Wylie |
513a1 རང་གི་གནས་སུ་འགྲོ་བར་བྱེད་དོ། ། བཅུད་ཀྱིས་ལེན་སྦྱིན་པར་བྱེད་དོ།། དེ་ཟོས་པས་སྐད་ཅིག་དེ་ཉིད་ལ་སྐ་ལི་ཞིང་འཁྱིལ་པ། ལོ་བརྒྱད་གཉིས་ལོན་པའི་རྣམ་པ། ཉི་མ་འཆར་བའི
513a2 ཁ་རོག་འདྲ་བ། ལྷའི་གཟུགས་ཅན་གཟུགས་བཟང་པོ་རབ་ཏུ་མཛེས་པ། ལོ་སྟོང་ཕྲག་ལྔར་འཚོ་བར་བྱེད་དོ།། དེ་དང་ལྷན་ཅིག་རོལ་པར་བྱེད་དོ།། གང་གི་ཚེ་འཆི་བ་དེའི་ཚེ་ཆེན་པོའི་རིགས་སུ་སྐྱེས་པར་འགྱུར་ཏེ།
513a3 སྐྱེ་བ་དྲན་ནོ།། ཆོ་ག་དེ་ཉིད་ཀྱིས་འ་ཚར་མ་བཅད་པའི་རས་ལ་རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པས། བདེ་བར་གཤེགས་པའི་མཐོ་གང་གི་ཚད་ཀྱི་གཅིག་པུར་བྲི་ཡང་ཀུའི་ཤིང་ལ་འཕྱང་བགོས
513a4 གཅིག་པ་ཟར་མའི་མེ་ཏོག་དང་མཚུངས་པའི་གནོད་སྦྱིན་མ་འདིར་གཞུག་པར་བྱའོ། ། དེ་ནས་སྒྲུབ་པ་པོས་དཀར་པོའི་བརྒྱད་པ་ལ་མཚན་མོ་གསུམ་དུ་སྨྱུང་བར་གནས་པར་གོས་གཙང་མ་བགོས་ཏེ། རིང
513a5 བསྲེལ་དང་བཅས་པའི་མཆོད་རྟེན་དུ་མཆོད་པ་དང་། གཏོར་མ་དང་། མར་མེ་བྱས་ནས། རང་གི་ལྷ་སྤྱན་དྲང་བར་བྱས་ཏེ་མཆོད་ཡོན་དང་གདན་ཕུལ་ནས་སླར་ཡང་གཤེགས་སུ་གསོལ་ཏེ། པྲི་ཡང་ཀུའི
513a6 ཡམ་ཤིང་བ་སེར་སྐྱའི་མར་གྱིས་བཏགས་པ་སྲེག་བླུགས་བརྒྱད་སྦྱིན་སྲེག་གྱིས་ཤིག། དེ་ནས་རིག་པ་འཇན་པས་ཇི་སྲིད་གནོད་སྦྱིན་མོ་རང་ཉིད་འོངས་པ་དེ་སྲིད་དུ་བཟླས་པར་བྱའོ།། འོངས་པ་ལ་མཆོད་ཡོན་དབུལ
513a7 བར་བྱའོ། ། འདི་སྐད་ཟེར་ཏེ་བཀའ་བསྒོ་བ་ཅི་བགྱི། དེ་ནས་སྒྲུབ་པ་པོས་འདི་སྐད་ཅེས་བརྗོད་པར་བྱ་སྟེ། བདག་གི་ཆུང་མ་མཛོད་ཅིག་ཅེས་སྒྲུབ་པ་པོས་སྨྲས་པ་དང་། རབ་ཏུ་འཛུམ་པའི་བཞིན་གྱིས་ཁྱོད་ཀྱིས་ཇི་ལྟར
iiif viewer powered by OpenSeadragon
