| e-texts navigator |
| Wylie |
511b1 འཆང་བ། རལ་པའི་ཅོད་པན་འཆང་བའི་དབུས་ན་དེ་བཞིན་གཤེགས་པ་འོད་དཔག་མེད་ཉི་མ་ལྟར་འབར་བཞིན་པ། གསེར་གྱི་སྲད་བུའི་མཆོད་ཕྱིར་ཐོགས་པ་ཅན། སྒྲུབ་པ་པོ་ལ་རྔ་བོ་ཆེའི་སྒྲ་ཟབ་མོའི་ཚིག་གིས
511b2 དབུགས་འབྱིན་པར་མཛད་བཞིན་པའོ། ། དེ་ནས་སྒྲུབ་པ་པོས་བྱོན་ཅིང་བྱོན་པ་རྣམས་ལ་མཆོད་ཡོན་དང་གདན་ཕུལ་ཏེ། སྨོན་ལམ་གདབ་པ་བྱས་ནས་རྗེས་སུ་བརྩེ་བས་བཅོམ་ལྡན་འདས་ལ་རྗེས་སུ་བརྩེ་བ་ཉེ་བར་བླངས
511b3 ནས་གསུངས་ཤིག། སྡིག་པ་བྱེད་པ་དང་། བསོད་ནམས་དང་། དངོས་གྲུབ་གཞན་པ་ལ་བཅོམ་ལྡན་འདས་ཐུགས་རྗེ་ཆེན་པོས་སེམས་ཅན་ཐམས་ཅད་བྱང་ཆུབ་སེམས་དཔའ་ཆེན་པོ་ཐུགས་རྗེ་ཆེན་པོ་ཐུགས་རྗེ
511b4 ཆེན་པོའི་བདག་ཉིད་ཅན་གསུངས་ཤིག། བདག་གི་སྡིག་པ་བྱས་པ་ལ་ནོར་གྱི་དངོས་གྲུབ་དང་། སྒྲུབ་པ་པོས་ལན་བཅུ་གསུམ་དུ་སྨོན་ལམ་གདབ་པ་བྱས་ནས། བཅོམ་ལྡན་འདས་ལ་དངོས་གྲུབ་གསོལ་བར་བྱའོ།།
511b5 དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྒྲུབ་པ་པོའི་སྤྱི་བོར་ཕྱག་གཡས་པ་རེག་པར་མཛད་དེ། འདི་སྐད་ཅེས་གསུངས་སོ།། བུ་ཅི་བྱ། དེ་ནས་མཆོད་ཡོན་དང་མེ་ཏོག་གི་ཆུན་པོ་ཕུལ་ནས་པུས
511b6 མོ་གཉིས་བཙུགས་ཏེ་འདི་སྐད་ཅེས་བརྗོད་པར་བྱའོ། ། བཅོམ་ལྡན་འདས་རྡོ་རྗེའི་དངོས་གྲུབ་བདག་ལ་སྩོལ་ཅིག། ཁྱེད་ཀྱི་དྲིན་ལས་བརྩོན་འགྲུས་ཆེན་པོ་དང་། སྟོབས་ཆེན་པོས་རིག་པ་འཛིན་པའི་རྒྱལ་པོ་རིག་པ
511b7 འཛིན་པ་ཐམས་ཅད་ཀྱི་མངའ་བདག་ཕྱག་ན་རྡོ་རྗེ་དང་འདྲ་བའི་ལུས་སུ་མཛོད་ཅིག། དེ་ནས་བཅོམ་ལྡན་འདས་ཀྱིས་གསུངས་པ། བུ་དེ་རྣམས་གྲུབ་བོ།། རྡོ་རྗེ་འདི་ནི་བརྩོན་འགྲུས་ཆེན་པོས་སྟོབས་དང་ཕ་རོལ
iiif viewer powered by OpenSeadragon
