| e-texts navigator |
| Wylie |
510b1 བྱ་སྟེ་མཆོད་ཡོན་ཕུལ་ཏེ། རྨ་བྱ་དེ་རས་རིས་ཀྱི་མདུན་དུ་བཞག་ནས་ཇི་སྲིད་འབར་བར་གྱུར་པ་དེ་སྲིད་དུ་བཟླས་པར་བྱའོ།། དེ་ནས་རིག་པ་འཛིན་པས་རིངས་པ་རིངས་པར་བཟླས་པར་བྱ་སྟེ། གལ་ཏེ་རྨ་བྱ་སྒྲུབ
510b2 པར་བྱེད་ན་དེའི་དངོས་གྲུབ་ཀྱི་མཚན་མར་འགྱུར་བ་ནི་རྨ་བྱ་སྐད་འབྱིན་པ་དང་། གླང་པོ་ཆེ་གུལ་གུ་ལ་སྒྲོགས་པ་དང་། རྟ་འཚེར་བ་དང་། ནམ་མཁའ་ལྡིང་གཤོག་པ་གཡོ་བ་སྟེ། དངོས་གྲུབ་ཀྱི་མཚན་མ
510b3 འདི་རྣམས་སུ་གྱུར་ན་རྨ་བྱའི་རྒྱལ་པོ་སྨིན་དྲུག་གཉིས་པར་འགྱུར་ཏེ། བརྩོན་འགྲུས་ཆེན་པོས་སྟོབས་དང་ཕ་རོལ་གནོན་པར་འགྱུར་རོ།། ལྷ་རྣམས་ཀྱི་རྒྱགས་པ་གནོན་པར་བྱེད་དོ།། བར་གྱི་བསྐལ
510b4 པར་འཚོ་བར་བྱེད་དོ། ། གང་གི་ཚེ་འཆི་བ་དེའི་ཚེ་བྲམ་ཟེའི་རིགས་སུ་སྐྱེ་བར་འགྱུར་ཏེ། འདི་ནི་དངོས་གྲུབ་བོ།། ། དེ་ནས་རྡོ་རྗེ་རྣམ་པར་བྱེད་པ་དེས་ཨ་ཀ་རུ་ལས་བྱུང་བའམ། ཙན
510b5 དན་ལས་བྱུང་བ་འམ། ལྷའི་ཤིང་ལས་བྱུང་བའམ། སེང་ལྡེང་ལས་བྱུང་བའམ། དྲི་ལས་བྱུང་བའམ། ནིམྦའི་ཤིང་ལས་བྱུང་བའམ། རྒྱལ་གྱི་ལྕགས་ལས་བྱུང་བའམ། གྲོག་མཁར་ལས
510b6 བྱུང་བའམ། ཤེལ་ལས་བྱུང་བའམ། ས་ར་ལས་བྱུང་བའི་འཁོར་ལོ་དང་། ལྕགས་ཀྱུ་དང་། དགྲ་སྟ་དང་། མདུང་ཐུང་དང་། རྡོ་རྗེ་དང་། རྩེ་གསུམ་ཁག་དེང་སྒྲུབ་པར་བྱེད་དོ།། རྡོ་རྗེ་རྩེ་བཞི་པ་སོར
510b7 བཅུ་དྲུག་པ་ལས་བྱེད་པ་གས་སྦྱོང་ཅན་གྱིས་ཆམ་ཆང་བ་མེད་པབྱེད་དུ་བཅུག་ནས། སེར་སྦྱར་བ་བྱུང་ལྔས་རབ་ཏུ་བཀྲུ་བར་བྱས་ནས་དཀར་པོའི་བཅོ་ལྔ་ལ་རས་རིས་ཀྱི་སྤྱན་སྔར་གཏོར་མ་དང་། མར་མེ།
iiif viewer powered by OpenSeadragon
