| e-texts navigator |
| Wylie |
50b1 བརྒྱ་རྩ་བརྒྱད་པས་བསྟོད་པ་སྒྲུབ་པ་བྱེད་པ་དེའི་མཚམས་མེད་པ་ལྔའི་ལས་ཀྱི་སྒྲིབ་པ་རྣམ་པར་བྱང་བར་འགྱུར་རོ། ། དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ།། དེ་ལ་གསང་སྔགས་ཐམས
50b2 ཅད་གྲུབ་པར་འགྱུར་རོ། ། བསྐལ་པ་བྱེ་བ་འབུམ་ཕྲག་དུ་མར་ངན་འགྲོར་འགྲོ་བར་མི་འགྱུར་རོ།། མཚམས་མེད་པར་འཇུག་པར་མི་འགྱུར་རོ།། སུ་ཞིག་ནང་པར་ལངས་ནས་འདོན་ཏམ། ཀློག་གམ།
50b3 ཁ་ཏོན་བྱེད་ན་དེའི་ལུས་ལ་མཛེ་དང་། རྐང་ཤུ་དང་། ལུད་པ་དང་། མི་བདེ་བ་མི་འབྱུང་ཞིང་ནད་ཐམས་ཅད་ལས་ཐར་པར་འགྱུར་རོ།། ཚེ་རབས་སོ་ཅོག་ཏུ་ཚེ་རབས་དྲན་པར་འགྱུར་རོ།། ལྷའི
50b4 བུ་དང་འདྲ་བར་འགྱུར་རོ། ། འཆི་བའི་དུས་ཀྱི་ཚེ་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ།། ཚེ་རབས་སོ་ཅོག་ཏུ་འཕགས་པ་སྨན་རས་གཟིགས་དབང་ཕྱུག་དང་མི་འབྲལ་བར་འགྱུར
50b5 རོ། ། རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར་རོ།། དཔའ་བར་འགྱུར། སྐད་སྙན་པར་འགྱུར། སྐལ་བ་བཟང་པོར་འགྱུར། བསྟན་བཅོས་ཐམས་ཅད་ལ་འཇིགས་པ་མེད
50b6 བར་འགྱུར། ཚིག་བཙུན་པར་འགྱུར་རོ།། བསྟོད་པ་སྒྲུབ་པ་འདིས་བསྟོད་པ་བྱས་ན་སངས་རྒྱས་བཅོམ་ལྡན་འདས་གངྒཱའི་ཀླུང་དྲུག་ཅུ་རྩ་གཉིས་སྙེད་ཀྱི་བྱེ་མ་སྙེད་དག་ལ་མཆོད་པ་བྱས་པར
50b7 འགྱུར་ཏེ། རྣམ་པར་སྨིན་པ་མཚུངས་ཤིང་བྱེ་བྲག་མེད་པར་འགྱུར་རོ།། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་རྒྱལ་བ་ཐམས་ཅད་ཀྱི་རིང་བསྲེལ
iiif viewer powered by OpenSeadragon
