| e-texts navigator |
| Wylie |
507b1 ཀྱང་རྡོ་རྗེའི་ནུས་པས་རྣམ་པར་སྤྲས་ཤིང་ཉེ་བར་སྨྲས་པ། བཀྲ་ཤིས་པ་གཞན་གྱིས་ཀྱང་རིག་པ་འཛིན་པའི་བུ་མོ་གཟུགས་བཟང་ཞིང་མཛེས་པ། གླུ་ལེན་བཞིན་པ། སྙན་པའི་སྒྲ་དབྱངས་ངེས་པར་སྒྲོགས་པ།
507b2 བིབབིཝང་དང་། རྫ་རྔ་དང་། གླིང་བུ་དང་། ཕེག་རྡོ་བ་རྗེས་སུ་སྒྲུབ་པའི་འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་པ་པོའི་བླ་རེ་འདི་རང་ཉིད་རིག་པའི་རྒྱལ་པོ་དེའི་མཐུས་ཇི་སྲིད་ཟླ་བ་དང་། ཉི་མ་དང་། སྐར་མ
507b3 རྣམས་ཡོད་ཀྱི་བར་དུ་འཁོར་དང་བཅས་པ་རོལ་པར་བྱེད་པ་དང་། རིག་པའི་རྒྱལ་པོ་འདིའི་མཐུས་རིག་པ་འཛིན་པ་ཐམས་ཅད་ཀྱི་འཁོར་ལོས་སྒྱུར་བ་རྣམས་ཀྱི་མངའ་བདག་གོ། དེ་ནས་འཕགས་པ་སྤྱན་རས་གཟིགས
507b4 དབང་ཕྱུག་གི་སྒྲུབ་པ་པོས་གཞལ་མེད་ཁང་བསྐྱེད་ནས་སླར་ཡང་མཐར་འགྲོ་སྟེ། དེ་ནས་རིག་པ་འཛིན་པ་སྟོང་ཕྲག་གིས་ཡོངས་སུ་བསྐོར་བའི་ཡོངས་སུ་སྤྱོད་པར་བྱེད་པ་པོས་འཕགས་པ་སྤྱན་རས་གཟིགས་དབང
507b5 ཕྱུག་ལ་ཕྱག་བྱ་བ་བྱས་ནས་ཡོངས་སུ་སྤྱོད་པར་བྱེད་པ་པོ་དང་ལྷན་ཅིག་གཞལ་མེད་ཁང་ལ་འཛེགས་ནས་འགྲོ་བར་བྱེད་དོ། ། འཁོར་ལོ་དེའང་འ་བར་བཞིན་པ་གཞལ་མེད་ཁང་གི་རྩེ་མོར་རིག་པ་ཐམས་ཅད་ཀྱི་འཁོར་ལོས
507b6 སྒྱུསྦྱར་བ་རྣམ་པར་འགྲོ་བའི་ཡིད་ཀྱིས་བདེ་བ་ཅན་དུ་འགྲོ་བར་བྱེད་དོ། ། གང་དུ་དེ་བཞིན་གཤེགས་པ་འོད་དཔག་མེད་བཞུགས་པ་དེར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ
507b7 ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། རིག་པ་འཛིན་པས་ཀྱང་བསྟོད་པར་བྱ་བཞིན་པ། མེ་ཏོག་གི་ཆར་རབ་ཏུ་འབབ་པ་རྣམས་ཀྱིས་བསྐལ་པར་གནས་ཤིང་། རིག་པ་འཛིན་པ་ཐམས་ཅད་ཀྱི་འཁོར་ལོས
iiif viewer powered by OpenSeadragon
