| e-texts navigator |
| Wylie |
506b1 པདང་མཆོད་པ་རྒྱ་ཆེན་པོ་བྱས་ཏེ། མཚན་མོ་གསུམ་དུ་སྦྱང་བར་གནས་པས་འགྲང་འཕྲེང་བཞག་ནས་མར་གྱི་མར་མེ་རྒྱ་ཆེན་པོ་དང་དཀར་པོའི་གཏོར་མ་ཕུལ་ནས། དེ་ནས་རིག་པ་འཛིན་པས་སྔོན་སྤྱད་པ་བྱས
506b2 པས་མཚན་མོ་གཅིག་ཏུ་རབ་ཏུ་བཅུག་སྟེ་གཞག་པར་བྱའོ། ། དེ་ནས་ཕྱུང་སྟེ་རྒྱལ་གྱི་ལྕགས་ལས་བྱུང་བའི་འཁོར་ལོ་གསོ་སྦྱོང་ཅན་གཙང་མ་དབང་པོ་མ་ཚང་བ་མ་ཡིན་པའི་ལས་བྱེད་པས་བྱེད་དུ་བཅུག་ནས། སོར
506b3 མོ་བརྒྱད་པ་རྒྱས་པ་ཡོངས་སུ་ཟླུམ་པ། རྡོ་རྗེ་འབར་བའི་འཕྲེང་བས་འཁྲུགས་པའོ།། དེ་ནས་རིག་པ་འཛིན་པས་འཁོར་ལོ་དེའང་བ་བྱུང་ལྔར་མཚན་མོ་གཅིག་ཏུ་བཅུག་ནས་གཞག་པར་བྱའོ།། དེ་ནས་བཏོན་ནས
506b4 ། ཁྲུས་དང་རྗེས་སུ་བྱུག་པ་བྱས་ཏེ། གོས་དཀར་པོས་ཀུན་ནས་དཀྲིས་ནས་རས་རིས་ཞལ་ནུབ་ཏུ་ཕྱོགས་པར་བཞག་སྟེ། བདུག་པ་དང་། གཏོར་མ་དང་། མཆོད་ཡོན་གྱི་སྣོད་བླངས་ནས་ལྷ་ཐམས་ཅད་སྤྱན་དྲང
506b5 བར་བྱའོ། ། མཆོད་ཡོན་ཕུལ་ནས་སླར་ཡང་གཤེགས་སུ་གསོལ་བ་ཡང་བདག་ལ་བྱས་ནས་རྩ་བའི་སྔགས་ཀྱིས་ཡན་ལག་བདུན་བཟླས་པའི་ཐལ་བས་ཐལ་བའི་ར་བ་དང་། སྒྲོན་མེ་གསུམ་ལ་ལན་བདུན་བཟླས
506b6 པས་མེའི་ར་བ་དང་། དེ་ནས་སྲུང་བའི་ཆོ་ག་བྱས་ནས་ཡུངས་ཀར་ལ་ལན་བདུན་བཟླས་པས་ས་གཞི་བཅིང་བ་དང་། ཆུ་ལ་ལན་བདུན་མངོན་པར་བསྔགས་པས་ནམ་མཁའ་བཅིང་བའོ།། དེ་ནས་རིག་པ་འཛིན
506b7 པས་དྲིའི་ཆུས་ཡོངས་སུ་བཀང་བ། མེ་ཏོག་དཀར་པོ་དང་ལྷན་ཅིག་པ། པུས་མོ་གཉིས་བཙུགས་པའི་རིག་པ་འཛིན་པས་རྩ་བའི་སྔགས་ཀྱིས་རང་གི་ལྷ་སྤྱན་དྲང་བར་བྱས་ནས། མཆོད་ཡོན་ཕུལ་ཏེ་སྟན་དེ་ལ་ལྷ
iiif viewer powered by OpenSeadragon
