| e-texts navigator |
| Wylie |
503a1 པའི་འབྲས་བུ་དང་། སྨན་དང་། མེ་ཏོག་དང་། འབྲས་བུའི་རོ་བཟའ་བ་དང་། བཏུང་བ་དང་། གོས་དང་། གནས་དང་། མལ་ཆ་དང་། སྟན་རྣམས་རྫོགས་པར་བགྱི་བ་དང་། སེམས་ཅན།
503a2 ཐམས་ཅད་ཀྱང་ཆོས་འདོད་པ་ཉིད་དང་། དགེ་བའི་ཆོས་ཀྱི་སྤྱོད་པ་ལ་སྦྱར་བར་བགྱིའོ།། འདི་ནི་བདག་གི་སངས་རྒྱས་ཐམས་ཅད་ཀྱི་སྤྱན་སྔར་སྨོན་ལམ་མཐར་ཐུག་པ་སྟེ། གང་དུ་བདག་ལ་སངས་རྒྱས་བཅོམ་ལྡན
503a3 འདས་ཐམས་ཅད་ཀྱིས་གནང་བར་གྱུར་ཅིག། བདག་ལ་སངས་རྒྱས་བཅོམ་ལྡན་འདས་ཀྱིས་ལས་ཀྱི་དངོས་གྲུབ་ཡིད་ཀྱི་ཤིང་རྟ་ཡོངས་སུ་རྫོགས་པ་དང་། བདག་དང་སྐྱེས་བུའི་རྣམ་པ་འདི་ངེས་པར་སྒྲོལ་བའི
503a4 ཆེད་དུ་དེ་ལྟ་བུའི་གཟུགས་ཀྱིས་བདག་དང་ཕྱག་ན་རྡོ་རྗེ་བུད་མེད་ཀྱི་གཟུགས་ཀྱིས་དང་། སྣ་ཚོགས་པའི་གཟུགས་དང་ཆ་བྱད་ཀྱིས་སེམས་ཅན་ཡོངས་སུ་སྨིན་པར་བགྱིའོ།། དེ་ནས་ཡང་སངས་རྒྱས་བཅོམ་ལྡན
503a5 འདས་སྤྱན་རས་གཟིགས་དབང་ཕྱུག་ལ་རྗེས་སུ་བརྩེ་བས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་གཞན་རྣམས་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ
503a6 ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པ་རྣམས་དགུག་པར་བྱས་ནས་དེ་ལྟ་བུའི་གཟུགས་ཀྱིས་སྐྱེས་བུ་ཆེན་པོའི་རྣམ་པ་བྱེད་པར་འགྱུར་རོ།། དེ་ནས་སངས་རྒྱས་བཅོམ་ལྡན་འདས་དེ་རྣམས
503a7 ཐམས་ཅད་ཀྱིས་འདི་སྐད་ཅེས་བཀའ་སྩལ་ཏོ། ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གྲུབ་པར་འགྱུར་རོ།། དེ་ནས་ཤཱཀྱ་ཐུབ་པས། བྱང་ཆུབ་སེམས་དཔའ་ཆེན་པོ་སྤྱན་རས་གཟིགས
iiif viewer powered by OpenSeadragon
