| e-texts navigator |
| Wylie |
500a1 སུ་བརྗོད་པའི་རིག་པ་ཐམས་ཅད་ཀྱི་སྒྲུབ་པའི་ཐབས་ཀྱི་ཆོ་ག་རྗེས་སུ་གནང་བའང་བུད་མེད་གང་ཡིན་པའི་བུད་མེད་དེའི་མཚན་ཉིད་དང་། གཟུགས་དང་། ཆ་བྱད་འཆང་བར་བྱའོ།། སྐྱེས
500a2 པ་ཡོད་ན་སྐྱེས་པའི་མཚན་ཉིད་དང་ཡང་དག་པར་ལྡན་པར་གྱུར་པ། སྐྱེས་པའི་རྒྱན་གྱིས་བརྒྱན་པར་བྱས་པ། ལག་ཆ་དང་བཅས་པ་ཅི་འདྲ་བ་འམ། སྔར་བརྗོད་པ་དེ་འདྲ་བ་བྱའོ།། ཕྱིན་ཅི་ལོག་གི་གཟུགས་ཀྱིས
500a3 དངོས་གྲུབ་མི་འབྱུང་ངོ་། ། ཇི་སྲིད་དུ་ལྷ་དྲག་པོ་དེའི་ཉེ་ལོགས་སུ་དེ་བཞིན་གཤེགས་པ་གཞག་པར་བྱའོ།། མཆོད་རྟེན་ནཱ་མ། སླར་ཡང་རྟེན་ཅིང་འབྲེལ་པར་འབྱུང་བའི་སྙིང་པོ་ཅན། མ་གས་ཤིང་དུམ
500a4 བུར་མ་གྱུར་པ་དངོས་གྲུབ་སྦྱིན་པར་བྱེད་དོ། ། དེ་ལ་བཅོམ་ལྡན་འདས་མ་འཕགས་མ་སྒྲོལ་མའི་དཀྱིལ་འཁོར་འདི་ནི་དམ་ཚིག་ཐམས་ཅད་སྐྱེད་པར་བྱེད་པ་ཞེས་བྱ་བའི་དཀྱིལ་འཁོར་ཏེ། རྣམ་པར་རྒྱལ་བ་མངོན
500a5 པར་དབང་བསྐུར་བ་ཞེས་བྱ་བ་བཀྲ་ཤིས་དང་བསོད་ནམས་ཀྱི་ལས་ཐམས་ཅད་བྱེད་པ་དང་། ལོ་ཏོག་དང་། ཚེ་དང་། ནད་མེད་པ་འཕེལ་བར་བྱེད་པ། དམ་ཚིག་ཉམས་པ་རྣམས་ཀྱང་དམ་ཚིག་སྐྱེད་པར་བྱེད
500a6 པ་པོར་འགྱུར་རོ། ། སྣ་ཚོགས་པའི་ཆུ་ཀླུང་གི་འགྲམ་མམ། པདྨའི་མཚོའི་འགྲམ་དུ་དཀྱིལ་འཁོར་འདི་བྲི་བར་བྱའོ།། ལེགས་པར་སྦྱངས་པའི་ས་གཞིའི་ཆར་བྱས་ནས་སྒྲ་དང་། ཕུབ་མ་དང་། སོལ་བ་དང་།
500a7 ཐལ་བ་དང་། ཤིང་དང་། སོ་ཕག་དང་། གསེག་མ་དང་། ཐོད་པ་དང་། ཀེང་རུས་དང་བྲལ་བ། མགྲིན་པའམ། ཆུའི་ཚད་གང་དུ་ཉེ་ལོགས་ན་ཆུ་ཡོད་པའི་གཡས་ཀྱི་གཞོགས་སམ་ནུབ་ཏུ་གང་དུ་མེ་ཏོག་དང
iiif viewer powered by OpenSeadragon
