| e-texts navigator |
| Wylie |
49a1 བར་རབ་ཏུ་སྟོན་ཏོ། ། དེ་ནས་ཚངས་པ་ལ་སོགས་པས། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། ཀྱེ་བཅོམ་ལྡན་འདས་དགོངས་པ་མཛད་པ། མཛད
49a2 རྒྱུ་མཛད་པ། ཁུར་བོར་བ། བདག་གི་དོན་རྗེས་སུ་བརྙེས་པ། སྲིད་པར་ཀུན་ཏུ་སྦྱོར་བ་ཡོངས་སུ་བསལ་བ། ཡང་དག་པའི་མཁྱེན་པས་ཐུགས་ཤིན་ཏུ་རྣམ་པར་གྲོལ་བ། ཅང་མཁྱེན་པ།།
49a3 གླང་པོ་ཆེ་ཆེན་པོ་དང་། སེམས་ཅན་ཐམས་ཅད་ཀྱི་དབང་དམ་པའི་ཕ་རོལ་ཏུ་བྱོན་པ། ཡེ་ཤེས་ཀྱི་ཚོགས་ཡོངས་སུ་རྫོགས་པ། སྲིད་པའི་དགོན་པ་ལས་བརྒལ་བ། གཞན་ལ་སྨན་པ།
49a4 ཐུགས་རྗེ་དང་འབྲེལ་བའི་ཐུགས་མངའ་བ། སྐྱེ་དགུ་ལ་མཆོག་ཏུ་མཉེས་གཤིན་པ། བདེ་བ་རབ་ཏུ་སྩོལ་བར་མཛད་པ། བྱམས་པས་ཞུགས་པ། སེམས་ཅན་མཐའ་ཡས་པ་སྒྲོལ་བ
49a5 ལ་མཁས་པ། བདེ་བར་གཤེགས་པའི་སྲས་པོ། སྲིད་པ་གསུམ་གྱི་རྩ་ལག་གཅིག་པུ། འདོད་ཆགས་མི་མངའ་བ། ཞེ་སྡང་མི་མངའ་བ། གཏི་མུག་མི་མངའ་བ། དྲི་མ་གསུམ
49a6 སྤངས་པ། རིག་པ་གསུམ་གྱི་ཕ་རོལ་ཏུ་གཤེགས་པ། མངོན་པར་ཤེས་པ་དྲུག་བརྙེས་པ། ཤིང་ནྱ་གྲོ་དྷ་ལྟར་ཆུ་ཞེང་གབ་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་མངའ་བ།
49a7 དཔེ་བྱད་བཟང་པོ་བརྒྱད་ཅུས་བརྒྱན་པ། པགས་པ་སྲབ་ཅིང་མདོག་སེར་བ། སྐུ་རིང་རྒྱུ་བཟང་ཞིང་དཀར་བ། སྐུ་ཤིང་གི་མེ་ཏོག་གསར་པ་དང་དམར་རེངས་ལྟ་བུའི་དབུ་ཐོར་ཙུགས་མངའ
iiif viewer powered by OpenSeadragon
