| e-texts navigator |
| Wylie |
497a1 ཡ་མ་ཧཱ་ཀ་རུ་ཏི་ཀཱ་ཡ། ཨོཾ་བེད་བིད་སྭཱ་ཧཱ། སྔགས་འདིས་སྔོན་དུ་སྲད་བུ་དམར་པོ་བཅིངས་ཏེ་དུར་ཁྲོད་དུ་བ་ལང་གི་པགས་པའི་རྣམ་པར་སེར་སྐྱའི་བ་བྱུང་གིས་ཉེ་བར་བྱུགས་པ
497a2 བྱས་ནས། དེ་བཞིན་ཁོ་ནར་གཏོར་མའི་ཆོ་གས་འབྱུང་པོ་གཞན་རྣམས་ལ་གཏོར་མ་སྣ་ཚོགས་བྱའོ།། ཡོངས་སུ་སྤྱོད་པར་བྱེད་པ་པོ་བཞིས་མཚོན་ཆ་དང་བཅས་པའི་རྣམ་པས་ཡམ་ཤིང་སྲེག་ཏུ་གཞུག
497a3 པར་བྱའོ། ། སྲད་བུ་ལ་མདུད་པ་བརྒྱད་བརྒྱ་བྱས་ནས་བདག་ཉིད་སྲུང་བའི་དོན་དུ་བཅིང་བར་བྱའོ།། སངས་རྒྱས་དེས་འབྱུང་པོ་དང་། ཡི་དགས་དང་། ཤ་ཟ་དང་། ཚངས་པའི་སྲིན་པོ་ལ་སོགས་པ་རྣམས་དབང
497a4 དུ་འགྱུར་རོ། ། རིག་པ་གྲུབ་པ་ན་དེ་བཞིན་ཁོ་ནར་གཏོར་མའི་ཆོ་ག་གཤེགས་སུ་གསོལ་ལོ།། རིག་པ་སྒྲུབ་པ་ཐམས་ཅད་ལ་གང་རིག་པ་སྒྲུབ་པར་བྱེད་པར་འདོད་པ་དེས་མཚན་མོ་གཙང་མས་གཙང་མར་གྱུར
497a5 བའི་གོས་བགོས་ཏེ། རང་བསྒྲུབ་པར་བྱ་བར་འགྱུར་རོ།། ཀུན་ཏུ་རུ་འམ་ཨ་ཀ་རུ་ནག་པོའི་འདུག་པ་སྲེག་ཅིང་ཁ་ཤར་དུ་ཕྱོགས་པས་ལན་བཅུར་བརྗོད་པར་བྱའོ།། འདི་སྐད་ཅེས་ཀྱང་བརྗོད་པར་བྱ་སྟེ།
497a6 བཅོམ་ལྡན་འདས་མ་རང་ཉིད་བྱོན་ནས་མེ་ཏོག་དང་གཏོར་མའང་སོ་སོར་བཞེས་ནས་བདག་གི་བྱ་བ་འདི་མཛོད་ཅིག་ཅེས་སོ།། དེ་བཞིན་དུ་ལྷོ་ཤར་དུ་ཁ་ཕྱོགས་པས་དང་། ལྷོ་ནུབ་དང་། ནུབ་བྱང་དང་།
497a7 བྱང་ཤར་དང་། སྟེང་དང་། འོག་ཏུའང་བརྗོད་པར་བྱ་བར་འགྱུར་རོ།། རང་ཉིད་ཀྱིས་བྱོན་ཏེ་འདུག་པ་དང་། མེ་ཏོག་ལ་སོགས་པ་དང་། མར་མེ་སོ་སོར་བ་ཞེས་ནས་བདག་གི་བྱ་བའང་བྱའོ་ཞེས་སོ།།
iiif viewer powered by OpenSeadragon
