| e-texts navigator |
| Wylie |
491b1 མར་གྱི་སྦྱིན་སྲེག་གིས་རྐང་གཉིས་པ་དང་རྐང་བཞི་པ་དབང་དུ་བྱེད་དོ།། རྒྱལ་པོའི་ཨརྐའི་ཡམ་ཤིང་གིས་མེ་རབ་ཏུ་སྦར་ནས་ཚ་བའི་ཏིལ་མར་གྱིས་བཏགས་པའི་རྒྱ་སྐྱེགས་ཀྱི་ལོ་མ་སྟོང་ཕྲག་བརྒྱད་སྦྱིན
491b2 སྲེག་གྱིས་ཤིག། ཉི་མ་བདུན་ལ་དམག་སྡེ་འཇིག་པར་བྱེད་དོ།། སེང་ལྡེང་གི་ཡམ་ཤིང་གིས་མེ་རབ་ཏུ་སྦར་ནས་ཀུ་ཤ་ལྗང་ཁུ་སྟོང་ཕྲག་བརྒྱད་སྦྱིན་སྲེག་གྱིས་ཤིག། ཕྱོགས་ཀྱི་དགྲའི་འགྲོ་བ་གཅོད
491b3 པར་བྱེད་དོ། ། འོ་མ་ཅན་གྱི་ཡ་མ་ཤིང་གིས་མེ་རབ་ཏུ་སྦར་ནས་ལྷའི་ཤིང་གི་ཡམ་ཤིང་དུས་གསུམ་དུ་སྟོང་ཕྲག་བརྒྱད་སྦྱིན་སྲེག་གྱིས་ཤིག། ཟླ་བ་གཅིག་ལ་འོག་གི་ལྷ་མོ་རྣམས་དབང་དུ་བྱེད་དོ།།
491b4 ཙ་རུ་བཟའ་ཞིང་ཀླུའི་ཤིང་གིས་མེ་རབ་ཏུ་སྦར་ནས་ན་ག་གེ་སར་ལ་མར་གྱིས་བཏགས་པ་ཐུན་གསུམ་དུ་སྟོང་ཕྲག་བརྒྱད་སྦྱིན་སྲེག་གྱིས་ཤིག། ཉི་མ་སོ་སོར་འཕེལ་བཞིན་པའི་མཆོད་པ་བྱ་སྟེ། ཉི་མ
491b5 བདུན་ནམ་ཟླ་བ་གཅིག་ལ་སྟེང་དུ་འགྲོ་བའི་ལྷ་མོ་རྣམས་དབང་དུ་བྱེད་དོ། ། ཙ་རུ་བཟའ་ཞིང་བྱང་ཆུབ་ཤིང་གི་ཡམ་ཤིང་གིས་མེ་རབ་ཏུ་སྦར་ནས་ཞོ་དང་། སྦྲང་རྩི་དང་། མར་གྱིས་བཏགས་པའི་ཡུངས
491b6 ཀར་རྒྱལ་པོའི་སྲེག་བླུགས་སྟོང་ཕྲག་བརྒྱ་སྦྱིན་སྲེག་གྱིས་ཤིག། ཉི་མ་གསུམ་ལ་རྒྱལ་པོའི་བཙུན་མོ་དབང་དུ་བྱེད་དོ།། གང་སྨྲས་པ་དེ་ཐམས་ཅད་རྫོགས་པར་བྱེད་དོ།། འདོད་པས་ཉེ་བར་གཞག་པ
491b7 ནི་མ་གཏོགས་སོ། ། བྱང་ཆུབ་ཤིང་གི་ཡམ་ཤིང་གིས་མེ་སྦར་ནས་ཨ་མྲའི་འདབ་མ་རྣམས་ཐུན་གསུམ་དུ་སྟོང་ཕྲག་བརྒྱད་སྦྱིན་སྲེག་གྱིས་ཤིག། ཁྱིམ་གྱི་གནོད་པ་ཉེ་བར་ཞི་བར་བྱེད་དོ།། རས་རིས་ཀྱི
iiif viewer powered by OpenSeadragon
