| e-texts navigator |
| Wylie |
490b1 ཙཱ་རུ་དང་། འོ་ཐུག་དང་། ཏིལ་གྱི་ཐུག་པ་དང་། ཟན་དྲོན་དང་། པཎྜ་ཀ་དང་། བཅའ་བར་བྱ་བ་རྣམས་ཀྱིས་ཁམ་ཕོར་བཀང་ནས་རས་རིས་ཀྱི་ཕྱོགས་བཞིར་དབུལ་བར་བྱའོ།། ཐམས་ཅད་དུ་རས་རིས་ལ་བྲོས
490b2 པའི་ལྷ་རྣམས་ལ་དཀར་གསུམ་གྱི་གཏོར་མ་དང་། ལྷ་བཤོས་དང་། ཕྱི་རོལ་དུ་གཏོར་མ་དབུལ་བར་བྱའོ།། དེ་ནས་འབྲུ་ཐམས་ཅད་དང་འབྲས་བུ་ཐམས་ཅད་ཇི་ལྟར་རྙེད་པས་རས་རིས་ཀྱི་ཕྱོགས་བཞིར
490b3 གཏོར་མ་དབུལ་ལོ། ། ཨ་ཀ་རུ་ནག་པོའི་བདུག་སྤོས་དབུལ་བར་བྱའོ།། དེ་ནས་ཀུ་ཤའི་ཁྲེས་ལ་ཉེ་བར་འདུག་སྟེ་ཡིད་རྩེ་གཅིག་པས་ཕྱོགས་སུ་ལས་བརྩམ་པར་བྱའོ།། འོ་མ་ཅན་གྱི་ཤིང་གི་ཡམ་ཤིང
490b4 གིས་མེ་རབ་ཏུ་སྦར་ནས། ཨ་ཀ་རུ་ནག་པོའི་ཡམ་ཤིང་ལ་ཞོ་དང་། སྦྲང་རྩི་དང་། མར་གྱིས་བཏགས་པ་སྟོང་ཕྲག་བརྒྱད་སྤྲིན་སྲེག་གྱིས་ཤིག། སེམས་ཅན་ཐམས་ཅད་ལ་ཀུན་ཏུ་གཟིགས་པ་ཞེས་བྱ་བའི
490b5 ཏིང་ངེ་འཛིན་ལ་སྙོམས་པར་ཞུགས་སོ། ། དེའང་ཏིང་ངེ་འཛིན་ལས་ལངས་ནས་ཐམས་ཅད་དང་ལྡན་པའི་འཇིག་རྟེན་གྱི་ཁམས་ལ་ལྷའི་སྤྱན་གྱིས་ཀུན་ཏུ་གཟིགས་ནས། བྱང་ཆུབ་སེམས་དཔའ་སེམས་དཔའ
490b6 ཆེན་པོ་མཐུ་ཆེན་ཐོབ་ལ་སྨྲས་པ། རིགས་ཀྱི་བུ་ཉོན་ཅིག། རིག་པའི་རྒྱལ་མོ་ཆེན་མོ་མ་བསྒྲུབས་པར་ཡང་ལས་ཐམས་ཅད་འགྱུར་བ། རྗེས་སུ་དྲན་པ་ཙམ་གྱིས་བདག་ཉིད་སྲུང་བ་ལ་ལན་ཅིག་བརྗོད་པས
490b7 གཙུག་བུད་བཅིང་བ། གཉིས་བཟླས་པས་སྲུང་བ་ཆེན་མོ་དང་། གསུམ་བཟླས་པས་དཀྱིལ་འཁོར་བཅིང་བ་དང་། བཞི་བཟླས་པས་མཆུ་བཅིང་བ་དང་། ལྔ་བཟླས་པས་རྐང་གཉིས་པ་དང་རྐང་བཞི་པ་སྲུང
iiif viewer powered by OpenSeadragon
