| e-texts navigator |
| Wylie |
490a1 དུ་བརྗེས་ཏེ་ཀུ་ཤའི་ཁྲེས་ལ་ཉེ་བར་འདུག་ནས། ཉི་མ་རེ་རེ་ལ་ཇི་ལྟར་འབྱོར་པས་འཕེལ་བར་བྱེད་བཞིན་པས་སློང་མོ་བཟའ་བར་བྱའོ།། རྐང་པ་གཡོན་པས་བཟོད་པ་ལ་སོགས
490a2 པ་བྱེད་ཅིང་འབུམ་ཕྲག་བཅུ་དྲུག་བཟླས་པར་བྱའོ། ། དེ་ལྟར་སྔོན་དུ་བསྙེན་པ་བྱས་པས་དཀར་པོའི་བརྒྱད་པའམ་བཅུ་བཞི་པ་ལ་སྒྲུབ་པ་བརྩམ་པར་བྱ་སྟེ། དགེ་སློང་གི་དགེ་འདུན་འདྲ་བ་རྣམས་ཀྱིས་བཙལ་བར་བྱའོ།།
490a3 ། དེ་ནས་རས་རིས་ཀྱི་ཕྱོགས་བཞིར་ས་ལས་བྱུང་བ་བུམ་པ་རྩ་བ་དང་ནག་པོ་མེད་པ་བཞི་བཅུ་དང་བཅས་པ། ཨ་མྲའི་ཡལ་འདབ་ཀྱིས་ཁ་བཀབ་པ། ས་བོན་ཐམས་ཅད་ཀྱིས་ཡོངས་སུ་བཀང་བའི་བུམ་པ་གཞག
490a4 པར་བྱའོ། ། རས་རིས་ཀྱི་སྤྱན་སྔར་ཁྲུ་བཞི་པའི་ཚད་ལ་ཟངས་དང་། གསེར་དང་། དངུལ་ལས་བྱུང་བ་འམ། ས་ལས་བྱུང་བའི་བུམ་པ་ཆེན་པོ་རྣམ་པ་སྣ་ཚོགས་པའི་འདབ་མ་དང་འཁྲི་ཤིང་གིས་སྤྲས་པ།
490a5 དག་པའི་ཆུས་ཡོངས་སུ་གང་བ། སྨྲ་བ་ཐམས་ཅད་དང་། སྨན་ཐམས་ཅད་དང་། རོ་དང་། དྲི་དང་། རིན་པོ་ཆེའི་སྙིང་པོ་མེ་ཏོག་གི་བོན་པོས་ཁ་བཀབ་པ། དུ་གུ་ལའི་རས་མ་ཉམས་པས་མགྲིན་པ་བཅིངས་པ
490a6 རྣམ་པར་རྒྱལ་བ་ཞེས་བྱ་བའི་བུམ་པ་གཞག་པར་བྱའོ། ། རས་རིས་ཀྱི་གཡོན་གྱི་གཞོགས་སུ་གནས་པའི་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་གཞག་པར་བྱའོ།། དེ་ནས་དྲི་ཞིམ་པོའི་མེ་ཏོག་གི
490a7 འཕྲེང་བ་བཅུ་དྲུག་རས་རིས་ལ་དབུལ་བར་བྱའོ། ། མདུན་དུ་དྲི་བཟང་པོའི་ཙན་དན་གྱི་ཆུས་ཡོངས་སུ་བཀང་བ་དང་། འོ་མས་བཀང་བའི་བརྒྱད་པོ་དེ་རྣམས་སོ།། བའི་མར་གྱི་མར་མེ་བརྒྱད་དབུལ་བར་བྱའོ།།
iiif viewer powered by OpenSeadragon
