| e-texts navigator |
| Wylie |
48a1 པོ་ཞལ་བཟང་ཟླ་བ་ཉ་བ་འདྲ། ། སྐུ་སྨད་རིན་ཆེན་ཀུན་གྱིས་བརྒྱན།། གསེར་གྱི་མཆོད་སྡོང་འདྲ་བར་གནས།། འོད་ཟེར་ཉི་མ་སྟོང་བས་ལྷག། ཚངས་པ་ལ་སོགས་ཕྱག་བགྱིས།།
48a2 པའོ།། འཕགས་པ་སྤྱན་རས་གཟིགས་དབང་ཕྱུག་ལ་མཚན་བརྒྱ་རྩ་བརྒྱད་ཀྱིས་གང་ཞིག་བསྟོད་པ་བྱེད་པ་དེ་མཚམས་མེད་པ་ལྔ་བྱས་པའི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་རོ།། དཀྱིལ
48a3 འཁོར་ཐམས་ཅད་དུ་ཞུགས་པར་འགྱུར་རོ། ། གསང་སྔགས་ཐམས་ཅད་ཀྱང་འགྲུབ་པར་འགྱུར་རོ།། བསྐལ་པ་སྟོང་གི་བར་དུའང་ངན་འགྲོར་མི་སྐྱེའོ།། མནར་མེད་པར་མི་འགྲོའོ།། སུ་ཞིག་ནང
48a4 པར་ལངས་ནས་ཀློག་གམ། ཀློག་ཏུ་འཇུག་གམ། ཁ་ཏོན་དུ་འདོན་ན་མི་དེའི་ལུས་ལ་མཛེ་དང་། ཤུ་བ་དང་། གློ་ན་བ་དང་། དབུགས་མི་བདེ་བ་ལ་སོགས་པའི་ནད་ཐམས་ཅད་ལས་ཐར་པར
48a5 འགྱུར་རོ། ། སྐྱེས་སོ་ཅོག་ཏུ་སྐྱེ་བ་དྲན་པར་འགྱུར་རོ།། ལྷའི་བུ་དང་འདྲ་བར་འགྱུར་རོ།། འཆི་བའི་དུས་ཀྱི་ཚེ་ནའང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ།། གར་སྐྱེས་ཀྱང
48a6 འཕགས་པ་སྤྱན་རས་གཟིགས་དབང་ཕྱུག་དང་མི་འབྲལ་བར་འགྱུར་རོ། ། རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར་རོ།། སེམས་དཔའ་བར་འགྱུར་རོ།། དབྱངས་སྙན་པར
48a7 འགྱུར་རོ། ། གཙུག་ལག་ཐམས་ཅད་ལ་མཁས་པར་འགྱུར་རོ།། བསྟོད་པ་འདིས་བསྟོད་ན་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་དྲུག་ཅུ་རྩ་གཉིས་སྙེད་ལ་མཆོད་པ་བྱས་པར
iiif viewer powered by OpenSeadragon
